തിരുവനന്തപുരം : സംസ്ഥാനത്ത് ഉടന് ലോഡ്ഷെഡിങ് ഏര്പ്പെടുത്തേണ്ടതില്ലെന്ന് മുഖ്യമന്ത്രി വിളിച്ച യോഗത്തില് തീരുമാനം. സെപ്റ്റംബർ 4 വരെ പുറത്തുനിന്ന് വൈദ്യുതി വാങ്ങും. സ്മാർട്ട് മീറ്റർ സ്ഥാപിക്കാനുള്ള ടോട്ടക്സ് പദ്ധതി ഉപേക്ഷിക്കുമെന്നും യോഗത്തിൽ തീരുമാനിച്ചു. സംസ്ഥാനത്ത് തുടരുന്ന വൈദ്യുതി പ്രതിസന്ധിക്കിടെ നിരക്ക് വർധനവടക്കമുള്ള കാര്യങ്ങൾ തീരുമാനിക്കാൻ വേണ്ടിയാണ് മുഖ്യമന്ത്രിയും വൈദ്യുതി മന്ത്രിയും കൂടിയാലോചന നടത്തിയത്.
സ്മാർട്ട് മീറ്റർ പദ്ധതി സ്വന്തം നിലക്ക് നടപ്പാക്കാനും നിർദ്ദേശമുണ്ട്. അടുത്ത മാസവും വൈദ്യുതിക്ക് സർ ചാർജ് ഈടാക്കും. യൂണിറ്റിനു ആകെ 19 പൈസ സർ ചാർജ് ഈടാക്കും. കെഎസ്ഇബി നിശ്ചയിച്ച സർചാർജ് 10 പൈസയും റെഗുലേറ്ററി കമ്മീഷൻ നവംബർ വരെ നിശ്ചയിച്ച ഒമ്പത് പൈസയും ചേർത്താണ് 19 പൈസ ഈടാക്കുക. സാധാരണക്കാര്ക്ക് ദോഷകരമാവാതെ വൈദ്യുതി സ്മാര്ട്ട് മീറ്റര് സ്ഥാപിക്കാന് മുഖ്യമന്ത്രി പിണറായി വിജയന്റെ നേതൃത്വത്തില് ചേര്ന്ന ഉന്നതതല യോഗം തീരുമാനിച്ചു. കേന്ദ്രം നിര്ദ്ദേശിച്ചതില് നിന്നും വ്യത്യസ്തമായി ചെലവുകുറച്ച് പദ്ധതി നടപ്പാക്കാനുള്ള സാധ്യതയാണ് പരിശോധിക്കുന്നത്. ടോട്ടെക്സ് മാതൃക ഒഴിവാക്കും.
സ്മാര്ട്ട് മീറ്ററിന്റെ വില, ഹെഡ് എന്ഡ് സിസ്റ്റം, മീറ്റര് ഡാറ്റാ മാനേജ്മെന്റ്, കമ്മ്യൂണിക്കേഷന് സിസ്റ്റം, ക്ലൗഡ് സ്റ്റോറേജ് ചാര്ജ്ജുകള്, മറ്റ് സോഫ്റ്റ് വെയര് ടെസ്റ്റിംഗിനും സൈബര് സെക്യൂരിറ്റിക്കുമുള്ള ചാര്ജ്ജുകള്, 93 മാസത്തേക്കുള്ള ഓപ്പറേഷന് ആന്റ് മെയ്ന്റനന്സ് ചാര്ജ്ജുകള് എന്നിവ ഉള്പ്പെടുന്നതാണ് ടോട്ടെക്സ് മാതൃക. ഇതിനായി ചെലവഴിക്കുന്ന തുക 93 പ്രതിമാസ തവണകളായി ഉപഭോക്താക്കളില് നിന്ന് ഈടാക്കാനാണ് കേന്ദ്രസര്ക്കാര് പദ്ധതി വിഭാവനം ചെയ്തിരിക്കുന്നത്.
നിശ്ചിത കാലയളവില് പരിപാലനവും പ്രവര്ത്തനവും ഏജന്സിയെ ഏല്പ്പിക്കുന്ന ഈ മാതൃക നടപ്പാക്കുന്നതിതോട് സംസ്ഥാനത്തെ തൊഴിലാളി സംഘടനകള് ഉള്പ്പെടെ വിയോജിച്ചിരുന്നു. പുതിയ സംവിധാനത്തില് ബില്ലിംഗ്, അനുബന്ധ സേവനങ്ങള് എന്നിവയ്ക്കുള്ള സോഫ്റ്റ് വെയര് കെഎസ്ഇബിതന്നെ രുപപ്പെടുത്തും. കെ-ഫോണ് വന്നതോടെ കെഎസ്ഇബിക്ക് സൗജന്യമായി നല്കിയ ഫൈബര് ഒപ്റ്റിക്ക് കേബിള് ഉപയോഗിച്ച് വിവര വിനിമയം നടത്തും. കെഎസ്ഇബി ഡാറ്റ സെന്റ ഉപയോഗിച്ച് ഡാറ്റ സ്റ്റോറേജും നടത്താവുന്നതാണ്. പഴയ മീറ്റര് മാറ്റി സ്മാര്ട്ട് മീറ്റര് സ്ഥാപിക്കുന്ന ജോലി കെഎസ്ഇബി ജീവനക്കാര് തന്നെ നടത്തും.
കെഎസ്ഇബിയുടെ നിലവിലുള്ള എല്ലാ ഉപഭോക്താക്കള്ക്കും സ്മാര്ട്ട് മീറ്റര് ഘടിപ്പിക്കില്ല. ആദ്യഘട്ടം എന്ന നിലയില് വ്യവസായ-വാണിജ്യ ഉപയോക്താക്കള്ക്കാണ് സംവിധാനം ഏര്പ്പെടുത്തുക. മൂന്ന് ലക്ഷത്തില് താഴെ പേരെയാണ് ഈ സംവിധാനത്തിന്റെ ഭാഗമാക്കുക. സര്ക്കാര് സ്ഥാപനങ്ങളില് നിന്നും പൊതുമേഖല സ്ഥാപനങ്ങളില് നിന്നും കെഎസ്ഇബിക്ക് ലഭിക്കാനുള്ള കുടിശ്ശിക ഈ വര്ഷം ഡിസംബറിനുള്ളില് നല്കാനാകുമോ എന്നകാര്യം ചീഫ് സെക്രട്ടറി വകുപ്പ് സെക്രട്ടറിമാരുമായി ആലോചിച്ച് തീരുമാനിക്കണമെന്നും മുഖ്യമന്ത്രി പറഞ്ഞു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
