തിരുവനന്തപുരം : ഓണക്കാലം എത്തുന്നതിന് മുമ്പേ തന്നെ ഏറെ വിവാദമായിരുന്നു ഓണക്കിറ്റ് വിതരണവും സപ്ലൈക്കോയിലെ ഭക്ഷ്യക്ഷാമവും. കഴിഞ്ഞ വര്‍ഷം റേഷന്‍ കാര്‍ഡിന്‍റെ നിറം നോക്കാതെ എല്ലാവര്‍ക്കും കിറ്റ് വിതണം ചെയ്‌തിരുന്നുവെങ്കില്‍ ഇത്തവണ സാമ്പത്തിക പ്രതിസന്ധി മൂലം മഞ്ഞ കാര്‍ഡുകാര്‍ക്ക് മാത്രമെ ഓണക്കിറ്റ് വിതരണം ചെയ്യുകയുള്ളുവെന്ന സര്‍ക്കാര്‍ തീരുമാനം സാധാരണക്കാരെ ഏറെ പ്രതിസന്ധിയിലാക്കിയിരുന്നു. എന്നാല്‍ വലിയ പ്രഖ്യാപനങ്ങളുമായി എത്തിയെങ്കിലും ഓണക്കിറ്റ് വിതരണം എങ്ങുമെത്തിയില്ല എന്നതാണ് യാഥാര്‍ത്ഥ്യം. മുഖ്യമന്ത്രി പിണറായി വിജയനും ഭക്ഷ്യവകുപ്പ് മന്ത്രി ജി.ആര്‍ അനിലുമെല്ലാം ഓണത്തിന് മുമ്പ് തന്നെ കിറ്റ് വിതരണം ചെയ്യുമെന്ന് വാതോരാതെ പറഞ്ഞുവെങ്കിലും ഇതെല്ലാം എവിടെയെന്നാണ് സാധാരണക്കാരന് ചോദിക്കാനുള്ളത്.
വാഗ്‌ദാനങ്ങള്‍ എങ്ങുമെത്താത്ത സാഹചര്യത്തില്‍ പാടുപെട്ടാണെങ്കിലും തിരുവോണത്തിന് മുമ്പ് ഓണക്കിറ്റ് വിതരണം ധ്രുതഗതിയില്‍ നടത്താനാണ് സര്‍ക്കാര്‍ തീരുമാനം. ഇതിനായി മുഴുവന്‍ പേര്‍ക്കും കിറ്റ് ലഭിക്കുന്നത് വരെ റേഷന്‍കടകള്‍ പ്രവര്‍ത്തിപ്പിക്കാനാണ് റേഷന്‍ ഡീലേഴ്‌സ് അസോസിയേഷന്‍റെയും തീരുമാനം. എന്നാല്‍ ഒറ്റ ദിവസം കൊണ്ടുള്ള ഈ വിതരണവും തുടര്‍ന്നുണ്ടാകുന്ന തിരക്കുകളും റേഷന്‍ കട ഉടമകളെ പ്രതിരോധത്തിലാക്കുകയുള്ളു. മാത്രമല്ല, ഓണത്തലേന്ന് ധൃതി പിടിച്ചുള്ള ഈ വിതരണം എത്രമാത്രം ഫലവത്താകും എന്നതും കണ്ടറിയേണ്ടതുണ്ട്.
സപ്ലൈക്കോയിലെ ഭക്ഷ്യക്ഷാമം ഉള്‍പ്പെടെ ഓണക്കാലത്തിന്‍റെ തുടക്കം മുതല്‍ തന്നെ സര്‍ക്കാരിന് പാളിയെന്നത് വ്യക്തമാണ്. ഇത്തവണ ഓണം പതിവുപോലെ എത്തുമെന്നറിഞ്ഞിട്ടും എന്ത് കൊണ്ട് അതിന് അനുസൃതമായുള്ള നടപടികള്‍ സ്വീകരിച്ചില്ല എന്നതാണ് പ്രധാന ചോദ്യം. ഓണക്കിറ്റ് വാങ്ങുവാനെത്തിയ ജനങ്ങള്‍ രാവിലെ മുതല്‍ വൈകുന്നേരം വരെ റേഷന്‍ കടകളില്‍ ക്യൂ നിന്ന് ഓണവിശേഷങ്ങള്‍ പങ്കുവെച്ച് നാളെ കിറ്റ് ലഭിക്കുമെന്ന പ്രതീക്ഷയോടെ മടങ്ങുന്ന നിരാശയപടെ കാഴ്‌ചയായിരുന്നു ഇത്തവണ എങ്ങും കാണാനായത്. കൂടാതെ ഇതിനൊപ്പം ഇ പോസ്‌ മെഷീന്‍ കൂടി പണിമുടക്കിയതോടെ പ്രശ്‌നം ഗുരുതരമായി. ഈ ഘട്ടത്തിലാണ് സാധാരണകാര്‍ക്ക് ലഭിക്കാത്ത കിറ്റ് ഞങ്ങള്‍ക്കും വേണ്ട എന്ന പ്രതിപക്ഷമായ യുഡിഎഫ് നിലപാട് അഭിനന്ദാര്‍ഹമാവുന്നത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
