മൂന്നാര്‍ : യുവതിയുടെ നഗ്‌നചിത്രങ്ങള്‍ സമൂഹമാധ്യമങ്ങള്‍ വഴി പ്രചരിപ്പിച്ച സംഭവത്തില്‍ ഒരാള്‍കൂടി അറസ്റ്റിലായി. വണ്ടിപ്പെരിയാര്‍ സ്വദേശി വി.സഞ്ജയിനെ (20) ആണ് മൂന്നാര്‍ എസ്.എച്ച്‌.ഒ. മനേഷ് കെ പൗലോസിന്റെ നേതൃത്വത്തില്‍ അറസ്റ്റുചെയ്തത്. യുവതിയുടെ മുന്‍കാമുകനായ കണ്ണന്‍ദേവന്‍ കമ്പനി നല്ലതണ്ണി എസ്റ്റേറ്റില്‍ ഈസ്റ്റ് ഡിവിഷനില്‍ ഡി.സന്തോഷ് (27) കഴിഞ്ഞ ഏപ്രില്‍ 19-ന് അറസ്റ്റിലായിരുന്നു. ഇരുപതുകാരിയുടെ പരാതിയെത്തുടര്‍ന്നാണ് അറസ്റ്റ്.
യുവതിയുമായി മൂന്നുവര്‍ഷമായി സന്തോഷ് പ്രണയത്തിലായിരുന്നു. എന്നാല്‍, പിന്നീട് യുവതി ബന്ധമുപേക്ഷിച്ച്‌ സഞ്ജയുമായി പ്രണയത്തിലായി. ഇതിന്റെ വൈരാഗ്യത്തില്‍ സന്തോഷ് കൈവശമുണ്ടായിരുന്ന നഗ്‌നദൃശ്യങ്ങള്‍ സഞ്ജയിന് അയച്ചുകൊടുത്തു. തുടര്‍ന്ന് സഞ്ജയ് ഇവ യുവതിയുടെ ബന്ധുക്കള്‍ക്കും അയച്ചുകൊടുത്തു. സമൂഹമാധ്യമങ്ങള്‍വഴി പ്രചരിപ്പിക്കുകയും ചെയ്തു. ദേവികുളം കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
