റായ്‌പൂര്‍ : ഓള്‍ ഇന്ത്യാ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസിലെ നഴ്‌സിംഗ് ഓഫീസര്‍ക്ക് കൊവിഡ് 19 വൈറസ് ബാധ സ്ഥിരീകരിച്ചു. ഈ മാസം 14 മുതല്‍ ഇദ്ദേഹം ക്വാറന്റീനിലായിരുന്നു. കൊവിഡ് വാര്‍ഡിലാണ് സേവനം നടത്തിയിരുന്നത്. കഴിഞ്ഞ ദിവസം ഡല്‍ഹി എയിംസിലെ മെയില്‍ നഴ്സിന് കൊവിഡ് സ്ഥിരീകരിച്ചിരുന്നു. ഇതോടെ ഡോക്ടര്‍മാര്‍ ഉള്‍പ്പെടെ 35 പേരെ ക്വാറന്‍റീന്‍ ചെയ്തു. ഗ്യാസ്ട്രോ എന്‍ട്രോളജി വിഭാഗത്തില്‍ ജോലി ചെയ്യുന്നയാള്‍ക്ക് ആണ് കോവിഡ് രോഗബാധ കണ്ടെത്തിയത്. നഴ്സുമായി സമ്പര്‍ക്കത്തിലുണ്ടായിരുന്ന രോഗികളുടെ സാമ്പിളുകള്‍ പരിശോധനക്കയച്ചിട്ടുണ്ടെന്ന് എയിംസ് അധികൃതര്‍ അറിയിച്ചു.
ഡല്‍ഹിയിലെ പ്രധാന കൊറോണ ആശുപത്രിയായ ലോക്നായക് ജയ്പ്രകാശ് നാരായണ്‍ ആശുപത്രിയിലെ ഡയറ്റീഷ്യനും വൈറസ് ബാധ സ്ഥിരീകരിച്ചിരുന്നു. ആശുപത്രി ജീവനക്കാര്‍ക്കിടെ നടത്തിയ പരിശോധനയിലാണ് ഡയറ്റീഷ്യന് വൈറസ് ബാധ സ്ഥിരീകരിച്ചത്. ഇവരുമായി സമ്പര്‍ക്കമുണ്ടായിരുന്ന 56 ജീവനക്കാരെ ക്വാറന്‍റീന്‍ ചെയ്തു.
