മംഗളൂരു : വാഹനാപകടത്തിൽ പരിക്കേറ്റ് ചികിത്സയിലായിരുന്ന മലയാളി നേഴ്സിങ് വിദ്യാർഥിനി മംഗളൂരുവിൽ മരിച്ചു. കട്ടപ്പന പട്ടരുകണ്ടത്തിൽ റെജി തോമസ് ബിനു ദമ്പതികളുടെ മകൾ റിയ ആന്റണിയാണ് മരിച്ചത്. പത്തൊമ്പത് വയസായിരുന്നു. സെപ്റ്റംബർ മൂന്നിനാണ് റിയക്ക് വാഹനാപകടത്തിൽ പരിക്കേറ്റത്.
മംഗളൂരു നേതാജി കോളേജിലെ ഒന്നാം വർഷ ജനറൽ നേഴ്സിങ് വിദ്യാർഥിനിയാണ് റിയ. മന്നുഗുഢെ ബർക്കെ പോലീസ് സ്റ്റേഷന് സമീപത്തുള്ള റോഡിൽ ബസ് കാത്തു നിൽക്കുന്നതിനിടെയാണ് റിയക്ക് വാഹനം ഇടിച്ച് പരിക്കേൽക്കുന്നത്. റിയയുടെ തലയ്ക്കാണ് പരിക്കേറ്റത്. മംഗളൂരു യേനപ്പോയ ആശുപത്രിയിൽ ഗുരുതരാവസ്ഥയിൽ കഴിയുന്നതിനിടെ ഇന്നലെ വൈകീട്ടോടെയാണ് മരണം.
