രാജ്യത്തെ ഏറ്റവും വലിയ ഇലക്ട്രിക് ഇരുചക്ര വാഹന കമ്പനിയായ ഒല ഇലക്ട്രിക് ഈ വർഷത്തെ ഏറ്റവും ആവേശകരമായ ഓഫറുമായി എത്തിയിരിക്കുകയാണ്. ‘ഡിസംബർ ടു റിമെമ്പർ’ ക്യാമ്പയിനിലൂടെ, S1 X+ ഇലക്ട്രിക് സ്‌കൂട്ടറിന് കമ്പനി 20,000 രൂപ വരെ കിഴിവ് നൽകുന്നു. അതിനുശേഷം അതിന്റെ വില 89,999 രൂപയായി കുറഞ്ഞു. നേരത്തെ ഈ ഇലക്ട്രിക് സ്കൂട്ടറിന്റെ വില 1,09,999 രൂപയായിരുന്നു. ഈ ഓഫർ പരിമിത കാലത്തേക്ക് മാത്രം . ഒല അതിന്റെ S1 X+ ൽ ഉയർന്ന നിലവാരമുള്ള പ്രകടനവും നൂതന സാങ്കേതിക സവിശേഷതകളും മികച്ച റൈഡ് നിലവാരവും വാഗ്ദാനം ചെയ്യുന്നു. 3kWh ബാറ്ററിയാണ് ഇതിൽ സജ്ജീകരിച്ചിരിക്കുന്നത്. ഇത് ഒറ്റ ചാർജിൽ 151 കിലോമീറ്റർ എന്ന സാക്ഷ്യപ്പെടുത്തിയ റേഞ്ച് നൽകുന്നു. ഇതിന് 6kW മോട്ടോർ ഉണ്ട്. ഇത് 3.3 സെക്കൻഡിനുള്ളിൽ മണിക്കൂറിൽ 0-40 കിലോമീറ്റർ വേഗത കൈവരിക്കുന്നു. മണിക്കൂറിൽ 90 കിലോമീറ്ററാണ് ഇതിന്റെ ഉയർന്ന വേഗത.
തിരഞ്ഞെടുത്ത ക്രെഡിറ്റ് കാർഡുകളിലും ക്രെഡിറ്റ് കാർഡ് ഇഎംഐകളിലും ഉപഭോക്താക്കൾക്ക് 5,000 രൂപ വരെയുള്ള കിഴിവിൽ നിന്ന് പ്രയോജനം ലഭിക്കും. മറ്റ് ഓഫറുകൾ മൂലം ഉപഭോക്താക്കൾക്ക് സീറോ ഡൗൺ പേയ്‌മെന്റ്, സീറോ പ്രോസസ്സിംഗ് ഫീ, പലിശ നിരക്ക് 6.99% എന്നിവയുടെ ആനുകൂല്യവും ലഭിക്കും. കമ്പനിയുടെ ഔദ്യോഗിക വെബ്സൈറ്റ് അനുസരിച്ച്, 2,099 രൂപയുടെ പ്രതിമാസ ഇഎംഐയിലും ഇത് വാങ്ങാം. അതേസമയം പുതിയ വിൽപ്പന കണക്കുകൾ അനുസരിച്ച് രാജ്യത്തെ ഏറ്റവും വലിയ ഇലക്ട്രിക് ഇരുചക്ര വാഹന കമ്പനിയായി ഒല ഇലക്ട്രിക് വീണ്ടും മാറി. കഴിഞ്ഞ മാസം അതായത് 2023 നവംബറിൽ കമ്പനി 30,000 യൂണിറ്റുകൾ വിറ്റു. വാഹന കണക്കുകൾ പ്രകാരം ഒലയുടെ 30,000 ഇലക്ട്രിക് സ്കൂട്ടറുകൾ കഴിഞ്ഞ മാസം രജിസ്റ്റർ ചെയ്തു. ഇതുവഴി ഒലയ്ക്ക് പ്രതിമാസ അടിസ്ഥാനത്തിൽ 30 ശതമാനം വളർച്ച ലഭിച്ചു.
