തിരുവനന്തപുരം: കെപിസിസി അധ്യക്ഷനായി നിയോഗിക്കപ്പെട്ട കെ. സുധാകരന് എല്ലാ വിജയാശംസകളും നേരുന്നുവെന്ന് മുന്‍ മുഖ്യമന്ത്രി ഉമ്മന്‍ ചാണ്ടി. പാര്‍ട്ടിയെ ശക്തിപ്പെടുത്തി മുന്നോട്ട് പോകുന്നതിന് അദ്ദേഹത്തിന് എല്ലാവരുടെയും പിന്തുണ ഉണ്ടാകുമെന്നും ഉമ്മന്‍ ചാണ്ടി മാധ്യമങ്ങളോട് പറഞ്ഞു.
ഗ്രൂപ്പുകള്‍ക്കും വ്യക്തി താല്പര്യങ്ങള്‍ക്കും അതീതമായി പാര്‍ട്ടി താല്പര്യവും ജനതാല്പര്യവും ഉയര്‍ത്തിപ്പിടിച്ചുകൊണ്ട് കോണ്‍ഗ്രസിനെ ശക്തിപ്പെടുത്തി ഒറ്റക്കെട്ടായി മുന്നോട്ടുകൊണ്ടുപോകാന്‍ സുധാകരന് കഴിയട്ടെയെന്ന് വി.എം. സുധീരന്‍ പറഞ്ഞു. തീരുമാനം കോണ്‍ഗ്രസിനെയും യുഡിഎഫിനെയും ശക്തിപ്പെടുത്തുമെന്ന് എം.എം. ഹസനും പ്രതികരിച്ചു.
