പത്തനംതിട്ട : ജനസേവനത്തിന്‍റെ വര്‍ത്തമാനകാല മാതൃകയും കാരുണ്യത്തിന്‍റെ പ്രവാചകനുമായിരുന്ന ഉമ്മന്‍ചാണ്ടി ജനമനസ്സുകളില്‍ കാലങ്ങളോളം ജീവിക്കുമെന്ന് ഡി.സി.സി പ്രസിഡന്‍റ് പ്രൊഫ. സതീഷ് കൊച്ചുപറമ്പില്‍ പറഞ്ഞു. അന്തരിച്ച മുന്‍ മുഖ്യമന്ത്രിയും കോണ്‍ഗ്രസ് പ്രസിഡന്‍റുമായിരുന്ന ഉമ്മന്‍ചാണ്ടിയുടെ നാല്‍പ്പതാം ചരമ ദിനത്തോടനുബന്ധിച്ച് ഡി.സി.സി നേതൃത്വത്തില്‍ രാജീവ് ഭവനില്‍ നടത്തിയ അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജനങ്ങളെ ഇത്രമാത്രം സ്വാധീനിച്ച വ്യക്തി സമകാലീന ചരിത്രത്തില്‍ ചുരുക്കമാണെന്നും ഉമ്മന്‍ചാണ്ടി പകരം വെയ്ക്കാനില്ലാത്ത നേതാവായിരുന്നുവെന്നും ഡി.സി.സി പ്രസിഡന്‍റ് പറഞ്ഞു. ഉമ്മന്‍ ചാണ്ടി പകര്‍ന്നു നല്‍കിയ സ്നേഹ സന്ദേശം പ്രാവര്‍ത്തികമാക്കുവാന്‍ എല്ലാ കോണ്‍ഗ്രസ് പ്രവര്‍ത്തകരും പ്രയത്നിക്കണമെന്ന് പ്രൊഫ. സതീഷ് കൊച്ചുപറമ്പില്‍ അഭ്യര്‍ത്ഥിച്ചു.
ഡി.സി.സി വൈസ് പ്രസിഡന്‍റ് എ. സുരേഷ് കുമാര്‍ അദ്ധ്യക്ഷത വഹിച്ചു. ഡി.സി.സി ഭാരവാഹികളായ സാമുവല്‍ കിഴക്കുപുറം, എസ്.വി പ്രസന്നകുമാര്‍, സജി കൊട്ടയ്ക്കാട്, ലാലു ജോണ്‍, റോജിപോള്‍ ഡാനിയല്‍, ജി. രഘുനാഥ് കുളനട, ഉണ്ണികൃഷ്ണന്‍ നായര്‍, എലിസബത്ത് അബു, ബി. നരേന്ദ്രനാഥന്‍ നായര്‍, ജെറി മാത്യു സാം, എസ്. ബിനു, ദീനാമ്മ റോയ്, സക്കറിയ വര്‍ഗീസ്, അബ്ദുള്‍കലാം ആസാദ്, രജനി പ്രദീപ്, അജി അലക്സ്, നഹാസ് പത്തനംതിട്ട, ബാബു മാമ്പറ്റ എന്നിവര്‍ പ്രസംഗിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
