റാന്നി : ലോക് ഡൗണിന്റെ മറവിൽ വ്യാപകമായി ചാരായ നിർമാണം നടക്കുന്നതിന്റെ പശ്ചാത്തലത്തിൽ എക്സൈസ് വകുപ്പ് പോലീസുമായി ചേർന്ന് നടത്തിയ റെയ്ഡിൽ ചാരായവും കോടയും പിടിച്ചു.
റാന്നി എക്സൈസ് പാർട്ടിയും പോലീസും ചേർന്ന് നടത്തിയ പരിശോധനയിൽ റാന്നി- പുതുശേരിമല പാറയ്ക്കൽ കോളനിയിൽ പൂന്തുരുത്തിയിൽ വീട്ടിൽ രഞ്ചിത്തിന്റെ വീട്ടിൽ സൂക്ഷിച്ചിരുന്ന 120 ലിറ്റർ കോടയും രണ്ട് ലിറ്റർ ചാരായവും പിടികൂടി . രഞ്ചിത്തിനെ (34) അറസ്റ്റ് ചെയ്ത് റാന്നി കോടതിയിൽ ഹാജരാക്കി റിമാന്റ് ചെയ്തു.
എക് സൈസ് സർക്കിൾ ഇൻസ്പെക്ടർ ജെ.എസ്. ബിനുവിന്റെ നേതൃത്വത്തിൽ നടത്തിയ റെയ്ഡിൽ
റേഞ്ച് ഇൻസ്പെക്ടർ ബി.വിഷ്ണു , റാന്നി പോലീസ് എ.എസ് ഐ. വിനോദ് , സിവിൽ പോലീസ് ഓഫീസർ ജോയി , പ്രിവന്റീവ് ഓഫീസർ മാരായ ഹസൻ ഖാൻ , സുരേഷ് ഡേവിഡ് സിവിൽ എക്സൈസ് ഓഫീസർമാരായ ബി.ബിജു , ജിത്ത് എം.എസ്. ജീഷ്ണു എ , അഭിജിത് എം., അഫ്സൽ നാസർ എന്നിവർ പങ്കെടുത്തു.
ലോക് ഡൗൺ സമയത്ത് “ഓപ്പറേഷൻ ലോക് ഡൗൺ ” എന്ന പേരിൽ എക്സൈസ് വകുപ്പ് സംസ്ഥാനം ഒട്ടാകെ വ്യാജചാരായ നിർമ്മാണം തടയുവാൻ തീവ്രപരിശോധനകൾ നടത്തി വരികയാണ്. പൊതു ജനങ്ങൾ വകുപ്പുമായി സഹകരിക്കണമെന്നും വ്യാജ വാറ്റ് , മയക്കുമരുന്ന് , കഞ്ചാവ് എന്നിവയുടെ ഉപയോഗം സംബന്ധിച്ച് രഹസ്യ വിവരങ്ങൾ ലഭിക്കുന്നത് എക്സൈസിന്റെ ചുവടെയുള്ള നമ്പരുകളിൽ ഉടനെ തന്നെ നൽകണമെന്നും റാന്നി എക്സൈസ് സർക്കിൾ ഇൻസ്പെക്ടർ അറിയിച്ചു.
94000 69468, 04735 228560, 04735 229232
