അബുദാബി : യുഎഇ ഭരണകൂടം പ്രഖ്യാപിച്ച തൊഴില്‍ നഷ്ട ഇന്‍ഷുറന്‍സ് പദ്ധതിയില്‍ എത്തിസലാത്ത് വഴിയും അംഗമാകാന്‍ അവസരം. പദ്ധതിയില്‍ ചേരാനുളള സമയപരിധി അവസാനിക്കാന്‍ ദിവസങ്ങള്‍ മാത്രം ശേഷിക്കെയാണ് മറ്റൊരു സംവിധാനം കൂടി ഏര്‍പ്പെടുത്തിയിരിക്കുന്നത്. രാജ്യത്തെ മുഴുവന്‍ തൊഴിലാളികളും നിര്‍ബന്ധമായും പദ്ധതിയില്‍ അംഗമാകണമെന്ന് മാനവ വിഭവശേഷി സ്വദശി വല്‍ക്കരണ മന്ത്രാലയം ആവര്‍ത്തിച്ച് മുന്നറിയിപ്പ് നല്‍കി. അടുത്ത മാസം ഒന്നിന് മുമ്പ് യുഎഇയിലെ സര്‍ക്കാര്‍, സ്വകാര്യ മേഖലയിലെ മുഴുവന്‍ ജീവനക്കാരും തൊഴില്‍ നഷ്ട ഇന്‍ഷുറന്‍സ് പദ്ധതിയുടെ ഭാഗമാകണമെന്നാണ് നിയമം. ഇതിന് വേണ്ടിയുളള സമയപരിധി അവസാനിക്കാറായ സാഹചര്യത്തിലാണ് എത്തിസലാത്ത് വഴിയും പദ്ധതിയില്‍ അംഗമാകാന്‍ അവസരം ഒരുക്കിയിരിക്കുന്നത്. ഈ മാസം ഏര്‍പ്പെടുത്തിയ രണ്ടാമത്തെ സംവിധാനമാണിത്. എത്തിസലാത്ത് നമ്പറില്‍ നിന്ന് എസ്എംഎസ് അയച്ച് പദ്ധതിയുടെ ഭാഗമാകാന്‍ കഴിയുമെന്ന് മന്ത്രാലയം അറിയിച്ചു.
2120 എന്ന നമ്പറിലേക്കാണ് എംഎംഎസ് അയക്കേണ്ടത്. എമിറേറ്റസ് ഐഡി നമ്പര്‍ ഉള്‍പ്പടെയുളള വിവരങ്ങളും നല്‍കണം. ബോട്ടിംഗ് ആപ്പ് വഴിയും തൊഴില്‍ നഷ്ട ഇന്‍ഷുറന്‍സില്‍ അംഗമാകാമെന്ന് മാനവവിഭവശേഷി സ്വദേശി വല്‍ക്കരണ മന്ത്രാലയം നേരത്തെ അറിയിച്ചിരുന്നു. മന്ത്രാലത്തിന്റെ ഔദ്യാഗിക വൈബ്‌സൈറ്റ്, മൊബൈല്‍ ആപ്ലിക്കേഷന്‍, യുപേ കിയോസ്‌ക്കുകള്‍, ബിസിനസ് സെന്ററുകള്‍, അല്‍ അന്‍സാരി എക്‌സ്‌ചേഞ്ച് ശാഖകള്‍ എന്നിവിടങ്ങളിലും പ്രീമിയം അടച്ച് പദ്ധതിയുടെ ഭാഗമാകാന്‍ അവസരം ഏര്‍പ്പെടുത്തിയിട്ടുണ്ട്. പദ്ധതിയില്‍ ചേരുന്നതില്‍ വീഴ്ച വരുത്തുന്നവരില്‍ നിന്ന് 400 ദിര്‍ഹം പിഴ ഈടാക്കും. അത്തരക്കാരുടെ വര്‍ക്ക് പെര്‍മിറ്റും പുതുക്കി നല്‍കില്ല. പദ്ധതിയില്‍ അംഗമായ ശേഷം തുടര്‍ച്ചയായി മൂന്ന് മാസം വിഹിതം അടക്കുന്നതില്‍ വീഴ്ച വരുത്തിയാല്‍ അംഗത്വം റദ്ദാക്കപ്പെടുമെന്നും മന്ത്രാലയം വ്യക്തമാക്കിയിട്ടുണ്ട്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
