പത്തനംതിട്ട : ലോക മലേറിയ ദിനാചരണത്തിൻ്റെ ഭാഗമായി മലമ്പനിയെക്കുറിച്ച് അവബോധം നൽകുക എന്ന ഉദ്ദേശത്തോടു കൂടി പുഷ്പഗിരി കോളേജ് ഓഫ് ഫാർമസി എൻഎസ്എസ് യൂണിറ്റും ഫാർമസി പ്രാക്ടീസ് ഡിപ്പാർട്ട്മെൻ്റും സംയുക്തമായി പെരുംതുരുത്തിയിൽ സാമൂഹിക ബോധവൽക്കരണ പരിപാടി സംഘടിപ്പിച്ചു. പരിപാടികളുടെ ഉദ്ഘാടനം തിരുവല്ല എക്സൈസ് സർക്കിൾ ഇൻസ്പെക്ടർ ശ്രീ. എം നൗഷാദ് നിർവഹിച്ചു. പെരിങ്ങര ഗ്രാമപഞ്ചായത്ത് അംഗം ശ്രീമതി ശർമിള സുനിൽ ആശംസ അർപ്പിച്ചു സംസാരിച്ചു. പുഷ്പഗിരി ഇൻസ്റ്റിറ്റ്യൂഷൻസ് ഡയറക്ടർ ഫാ.എബി വടക്കുംതല, പ്രിൻസിപ്പൽ പ്രൊഫ ഡോ. സന്തോഷ് എം മാത്യൂസ്,ഡോ.നിതിൻ മനോഹർ ആർ, മാലിനി എസ് , ഫെബ സൂസൻ തോമസ് തുങ്ങിയവർ പരിപാടിക്ക് നേതൃത്വം നൽകി.
