കൊച്ചി: പി ഹണ്ട് വേട്ടയില് കണ്ടത് ഞെട്ടിക്കുന്ന അശ്ലീല ദൃശ്യങ്ങള്. എറണാകുളം റൂറലില് നിന്ന് ആറുപേരുടെ മൊബൈലാണ് പിടിച്ചത്. ഈ ആറ് പേര്ക്കെതിരെ റൂറല് പോലീസ് കേസ് എടുത്തിട്ടുണ്ട്. കുറുപ്പംപടി, ഞാറയ്ക്കല്, മൂവാറ്റുപുഴ, ചോറ്റാനിക്കര, കോതമംഗലം, വരാപ്പുഴ പോലീസ് സ്റ്റേഷനുകളിലാണ് കേസുകള് രജിസ്റ്റര് ചെയ്തിട്ടുള്ളത്. ഓരോ മൊബൈലില് നിന്നും കണ്ടെത്തിയത് കുട്ടികളുടെ 2000 ഓളം അശ്ലീല ദൃശ്യങ്ങളാണ്. വിവിധ പോലീസ് സ്റ്റേഷന് പരിധികളില് നിന്നാണ് മൊബൈലുകള് പിടിച്ചെടുത്തത്.
പിടിച്ചെടുത്ത മൊബൈലുകള് വിദഗ്ദ പരിശോധനയ്ക്കായി ഫോറന്സിക് ലാബിലേക്ക് അയച്ചിട്ടുണ്ട്. ഐടി പ്രൊഫഷണല് വരെ പ്രായപൂര്ത്തിയാകാത്ത കുട്ടികള് വരെ ഈ കൂട്ടത്തിലുണ്ട്. സൈബര്ഡോമും ഇന്റര്പോളുമാണ് ഇവരെ നിരീക്ഷിക്കുന്നത്. നിരീക്ഷണത്തിലുള്ളവരുടെ വാട്സാപ്, ടെലിഗ്രാം ഗ്രൂപ്പുകള് ഹാക്ക് ചെയ്തു പരിശോധിക്കുന്നുണ്ട്. അമ്മയുടെ ഫോണില് മകന് അശ്ലീല ദൃശ്യങ്ങള് ഡൌണ്ലോഡ് ചെയ്താല് കേസ് വരിക അമ്മയുടെ പേരിലാണ്. ഒരു കുട്ടി ഈ ദൃശ്യങ്ങള് കണ്ടത് അമ്മയുടെ ഫോണിലാണ്. കേസ് വരുന്നത് അമ്മയുടെ പേരിലാണ് എന്നതാണ് ഇത്തരം കേസുകളുടെ ദുരന്തവശം. ശിക്ഷ അനുഭവിക്കേണ്ടിവരുക അമ്മയ്ക്കാകും.