കൊച്ചി : പാലാരിവട്ടം പാലം അഴിമതിക്കേസില് മുന്മന്ത്രി വി കെ ഇബ്രാഹിം കുഞ്ഞ് വീണ്ടും ജാമ്യാപേക്ഷ നല്കും. തിങ്കളാഴ്ച വിജിലന്സ് വീണ്ടും ഇബ്രാഹിം കുഞ്ഞിനെ ആശുപത്രിയിലെത്തി ചോദ്യം ചെയ്യും. പ്രതിയെ വിജിലന്സ് കസ്റ്റഡിയില് ആവശ്യപ്പെടില്ലെന്നാണ് സൂചന. ജുഡീഷ്യല് കസ്റ്റഡിയില് ചോദ്യം ചെയ്താല് മതിയെന്ന നിലപാടിലാണ് വിജിലന്സ്. ചോദ്യം ചെയ്യാന് കൂടുതല് ദിവസങ്ങള് അനുവദിച്ച് തരണമെന്നായിരിക്കും ഏജന്സി ആവശ്യപ്പെടുക. ചോദ്യം ചെയ്യല് പൂര്ത്തിയായാല് ഹൈക്കോടതിയെ ഇബ്രാഹിം കുഞ്ഞ് സമീപിക്കും.
കഴിഞ്ഞ ദിവസമാണ് കോടതി ഇബ്രാഹിം കുഞ്ഞിന്റെ ജാമ്യാപേക്ഷ തള്ളിയത്. ഇതോടെ ഇബ്രാഹിംകുഞ്ഞിനെ ചോദ്യം ചെയ്യാന് വിജിലസിന് അനുമതി ലഭിച്ചു.
ഏഴ് നിബന്ധനകളുടെ അടിസ്ഥാനത്തിലാണ് ജാമ്യാപേക്ഷ തള്ളിയത്. ആശുപത്രിയില് ഡോക്ടര്മാരുടെ സാന്നിധ്യത്തില് ചോദ്യം ചെയ്യാം. 30-ാം തിയതിയാണ് ചോദ്യം ചെയ്യേണ്ടത്. രാവിലെ 9 മണി മുതല് 12 മണി വരെയും വൈകീട്ട് 3 മണി മുതല് 5 മണി വരെയുമാണ് ചോദ്യം ചെയ്യാന് അനുമതി. ചോദ്യം ചെയ്യുന്നതിന് മുന്പ് അന്വേഷണ ഉദ്യോഗസ്ഥര് കൊവിഡ് ടെസ്റ്റ് നടത്തണം. പ്രതിയെ മാനസികമായും ശരീരികമായും പീഡിപ്പിക്കരുത്. ചികിത്സ തടസപ്പെടുത്തരുതെന്നുമായിരുന്നു നിര്ദേശം.
