പന്തളം : സ്റ്റീൽക്കപ്പുകൊണ്ട് അയൽവാസിയുടെ തലയടിച്ചുപൊട്ടിച്ചയാൾ അറസ്റ്റിൽ. പന്തളം കഴുത്തുമൂട്ടിൽപടി കഴുത്തുമൂട്ടിൽ വീട്ടിൽ ഷാജിയെ(53) ആണ് പന്തളം പോലീസ് അറസ്റ്റ്. കോടതിയിൽ ഹാജരാക്കിയ ഇയാളെ റിമാൻഡുചെയ്തു. പന്തളം മങ്ങാരം കഴുത്തുമൂട്ടിൽപടിയിൽ മോടിപ്പുറത്ത് വടക്കേതിൽ മഹേഷ് കുമാറിനെയാണ് ഇയാൾ അടിച്ചത്. മുൻവിരോധംകൂടിയാണ് കാരണം. ഉത്സവ എഴുന്നള്ളത്തുമായിവന്നവരെ സ്വീകരിക്കുകയും കുടിവെള്ളംനൽകുകയുംചെയ്ത സമയത്ത് അതിനിടയിലേക്കുവന്ന ഒരു ഓട്ടോറിക്ഷയുടെ ഡ്രൈവറോട് ഷാജി ദേഷ്യപ്പെട്ട് സംസാരിച്ചു. ഇതിൽ ഇടപെട്ട് പ്രശ്നം ഒത്തുതീർപ്പാക്കാൻ ശ്രമിച്ചപ്പോഴാണ് മഹേഷ്‌കുമാറിനെ ചീത്തവിളിച്ചുകൊണ്ട് ഇയാൾ സ്റ്റീൽക്കപ്പ് എടുത്ത് തലയിൽ അടിച്ചത്. മഹേഷിന് നെറ്റിയുടെ മുകളിൽ മൂന്ന് കുത്തിക്കെട്ട് വേണ്ടിവന്നു. ഒളിവിൽപോയ പ്രതി പത്തനംതിട്ട സെഷൻസ് കോടതിയിൽ മുൻകൂർ ജാമ്യത്തിന് ശ്രമിച്ചുവെങ്കിലും ലഭിച്ചില്ല. പിന്നീട് ഹൈക്കോടതിയെ സമീപിച്ചു. കോടതി ഉത്തരവുപ്രകാരം സ്റ്റേഷനിൽ ഹാജരായ പ്രതിയുടെ അറസ്റ്റ് രേഖപ്പെടുത്തി. ഇയാൾ അടിക്കാൻ ഉപയോഗിച്ച സ്റ്റീൽക്കപ്പ് പോലീസ് കണ്ടെടുത്തു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
