ചെന്നൈ: തമിഴ്നാട്ടില് അധ്യാപകനെ സകൂളിലെത്തി മര്ദ്ദിച്ച് രണ്ടാം ക്ലാസുകാരിയുടെ മാതാപിതാക്കള്. തമിഴ്നാട്ടിലെ തൂത്തുക്കുടി ജില്ലയിലെ ഒരു എയിഡഡ് സ്കൂളിലെ അധ്യാപകനാണ് മര്ദ്ദനമേറ്റത്. മകളെ അധ്യാപകന് അടിച്ചെന്ന് ആരോപിച്ചായിരുന്നു മറ്റു വിദ്യാര്ത്ഥികളുടെ മുന്നിലിട്ട് രക്ഷിതാക്കള് അധ്യാപകനെ ഓടിച്ചിട്ട് തല്ലിയത്. സംഭവത്തില് അധ്യാപകനായ ആര് ഭരത്തിനാണ് മര്ദ്ദനമേറ്റത്. സംഭവത്തിന്റെ വീഡിയോ പുറത്തായതിന് പിന്നാലെ മാതാപിതാക്കള് അറസ്റ്റിലായിരുന്നു.
രണ്ടാം ക്ലാസുകാരിയുടെ അച്ഛന് ശിവലിംഗം, അമ്മ സെല്വി, മുത്തച്ഛന് മുനുസാമി എന്നിവരെയാണ് പോലീസ് കേസെടുത്ത് അറസ്റ്റ് ചെയ്തത്. കുട്ടിയെ മര്ദിച്ചുവെന്നാരോപിച്ചാണ് രക്ഷിതാക്കള് അധ്യാപകനെ മര്ദിച്ചതെന്ന് പോലീസ് പറഞ്ഞു. എന്നാല് ആരോപണങ്ങള് അധ്യാപകന് നിഷേധിച്ചു. ക്ലാസില് ശ്രദ്ധിക്കാതിരിക്കുകയും മറ്റ് കുട്ടികളോട് വഴക്കുണ്ടാക്കുകയും ചെയ്ത പെണ്കുട്ടിയെ ഇരിപ്പിടം മാറ്റി ഇരുത്തുക മാത്രമാണ് ചെയ്തതെന്നും അടിച്ചിട്ടില്ലെന്നും അധ്യാപകന് പറഞ്ഞു. സംഭവത്തിന് പിന്നാലെ സ്കൂള് അധികൃതര് പോലീസില് പരാതി നല്കുകയായിരുന്നു.