ഡല്ഹി : പി.സി.ചാക്കോ കോണ്ഗ്രസില് നിന്ന് രാജിവെച്ചതിന് പിന്നാലെ ഭാവി നീക്കത്തെപ്പറ്റി ഉദ്വേഗം. ഇടതുപക്ഷവും കോണ്ഗ്രസും ഒരുമിച്ച് പ്രവര്ത്തിക്കേണ്ടവരാണെന്ന് ചാക്കോ പറഞ്ഞു. തന്നെ ഒരിക്കലും ബിജെപിയ്ക്കൊപ്പം കാണാന് കഴിയില്ലെന്ന് പി.സി.ചാക്കോ പറയുന്നു. സോണിയ ഗാന്ധിക്കും രാഹുല് ഗാന്ധിക്കുമാണ് കത്ത് നല്കിയത്. രാജിക്ക് കാരണം കേരളത്തിലെ കോണ്ഗ്രസിന്റെ അപചയമെന്ന് പി.സി.ചാക്കോ കുറ്റപ്പെടുത്തി.
കേരളത്തിലെ കോണ്ഗ്രസ് തീര്ത്തും ജനാധിപത്യവിരുദ്ധ സംഘടനയാണ്. ഗ്രൂപ്പിനതീതരായി നില്ക്കുന്ന ആര്ക്കും കേരളത്തിലെ സംഘടനയില് നിലനില്പ്പില്ല. ഗ്രൂപ്പില്ലാത്ത നേതാക്കളെ സംരക്ഷിക്കാന് ഹൈക്കമാന്ഡ് തയ്യാറാകുന്നില്ലെന്നും പി.സി.ചാക്കോ പറഞ്ഞു. ദേശീയനേതൃത്വം സജീവമല്ല, കോണ്ഗ്രസ് ഓരോദിവസവും ദുര്ബലമാകുന്നു. ഗുലാംനബി ആസാദ് അടക്കമുള്ള വിമത നേതാക്കളുടെ നിലപാടാണ് ശരിയെന്നും ചാക്കോ പറഞ്ഞു.
