കൊച്ചി : വെണ്ണല വിദ്വേഷ പ്രസംഗ കേസില് പി.സി ജോര്ജ് പോലീസിന് മുമ്പാകെ ഹാജരാകും. പാലാരിവട്ടം പോലീസ് നോട്ടീസ് നല്കി. പി.സി ജോര്ജ് ഉച്ചയ്ക്ക് ശേഷം ഹാജരാകും. അതിന് ശേഷം അറസ്റ്റ് ചെയ്ത് ജാമ്യത്തില് വിടും. ഹൈക്കോടതിയുടെ ഇടക്കാല ഉത്തരവില് അറസ്റ്റ് ചെയ്താല് ജാമ്യം നല്കണമെന്നുണ്ടായിരുന്നു. അതേസമയം പി.സി ജോര്ജിന്റെ ജാമ്യം മതവിദ്വേഷ പ്രസംഗ കേസില് റദ്ദാക്കണമെന്ന പോലീസിന്റെ അപേക്ഷയില് ഇന്ന് വിധി പറയും. വിധി പറയുക തിരുവനന്തപുരം ഒന്നാം ക്ലാസ് മജിസ്ട്രേറ്റ് കോടതിയാണ്.
പോലീസ് കേസെടുത്തത് തിരുവനന്തപുരത്ത് നടന്ന ഹിന്ദു മഹാ സമ്മേളനത്തിലെ പ്രസംഗത്തിനെതിരെയാണ്. പോലീസ് അറസ്റ്റ് ചെയ്ത ജോര്ജ്ജിന് ജാമ്യം ലഭിച്ചിരുന്നു. പോലീസിന്റെ ആവശ്യം ഈ ജാമ്യം റദ്ദാക്കണമെന്നാണ്. ജാമ്യ വ്യവസ്ഥകള് പി.സി ജോര്ജ്ജ് ലംഘിച്ചുവെന്നും മതവിദ്വേഷ പ്രസംഗം കൊച്ചിയില് വീണ്ടും നടത്തിയതിന് കേസെടുത്തുവെന്നും പ്രോസിക്യൂഷന് കോടതിയെ അറിയിച്ചിരുന്നു.
