ചാലക്കുടി : മോഡലിംഗ് രംഗത്ത് അവസരം വാഗ്ദാനം ചെയത് 19 വയസുകാരി പെണ്‍കുട്ടിയെ പീഡിപ്പിക്കുകയും മറ്റു പലര്‍ക്കും കാഴ്ചവെയ്ക്കുകയും ചെയ്ത സംഭവത്തില്‍ ഒരു യുവതികൂടി അറസ്റ്റില്‍. ആന്ധ്രപ്രദേശ് സ്വദേശിനിയായ പ്രഭാവതി (ലക്ഷ്മി) യാണ് പിടിയിലായത്.
കേരളത്തിലെ വിവിധ സ്ഥലങ്ങളില്‍ താമസിച്ച്‌ യുവതികളെ വലയിലാക്കുന്ന പെണ്‍വാണിഭ സംഘത്തിലെ അംഗമാണ് അറസ്റ്റിലായ ലക്ഷ്മി. കേസില്‍ നേരത്തെ പിടിയിലായ ചാലക്കുടി കൂടപ്പുഴ സ്വദേശി വഴിയാണ് പെണ്‍കുട്ടി ഇവരുടെ കെണിയില്‍പ്പെടുന്നത്. പിന്നീട് പെണ്‍കുട്ടിയുടെ ചിത്രങ്ങള്‍ ഈ സംഘം പലര്‍ക്കും അയച്ചാണ് ഇടപാടുകാരെ കണ്ടെത്തിയത്. സുഷി എന്നയാള്‍ വഴിയാണ് ലക്ഷ്മി പീഡനത്തിനിരയായ പെണ്‍കുട്ടിയെ പരിചയപ്പെടുന്നത്.
