പത്തനംതിട്ട : കൗമാര ആരോഗ്യ വിദ്യാഭ്യാസത്തിന്റെ ഭാഗമായുള്ള പിയര് എഡ്യുക്കേറ്റര് ചാത്തങ്കരി ബ്ലോക്ക്തല പരിശീലന പരിപാടി തിരുവല്ല താലൂക്ക് ആശുപത്രി കോണ്ഫറന്സ് ഹാളില് നടന്നു. പുളിക്കീഴ് ബ്ലോക്ക് പഞ്ചായത്ത് ആരോഗ്യ സ്റ്റാന്ഡിങ് കമ്മിറ്റി ചെയര്മാന് സോമന് താമരച്ചാലില് പരിശീലന പരിപാടി ഉദ്ഘാടനം ചെയ്തു. ഹൈസ്കൂള് തലത്തിലുള്ള കുട്ടികള്ക്കായാണ് നാലു ദിവസം നീണ്ടു നില്ക്കുന്ന പരിശീലന പരിപാടി നടത്തുന്നത്. പുളിക്കീഴ് ബ്ലോക്ക് പഞ്ചായത്തിന്റെയും തിരുവല്ല നഗരസഭയുടെയും കീഴില് വരുന്ന സ്കൂളില് നിന്നും തിരഞ്ഞെടുക്കപ്പെട്ട 40 കുട്ടികള്ക്കാണ് പരിശീലനം നല്കുന്നത്. കൗമാരകാലത്ത് കുട്ടികള് അനുഭവിക്കുന്ന വിവിധ തലത്തിലുള്ള പ്രശ്നങ്ങള് മനസിലാക്കുന്നതിനുള്ള പരിശീലനം കൂടിയാണ് പിയര് എഡ്യുക്കേറ്റേഴ്സ് പരിശീലന പരിപാടി. ബ്ലോക്ക് പഞ്ചായത്ത് അംഗം ആര്. രാജലക്ഷ്മി അധ്യക്ഷത വഹിച്ച ചടങ്ങില് ബ്ലോക്ക് പഞ്ചായത്തംഗം എം. ബി.അനീഷ്കുമാര്, തിരുവല്ല താലൂക്ക് ആശുപത്രി സൂപ്രണ്ട് ഡോ. ബി. എന്. ബിജു, ഡോ. പ്രേമ ജോര്ജ്, കെ. ലതാകുമാരി, അനു ടി തങ്കം, ആരോഗ്യപ്രവര്ത്തകര് തുടങ്ങിയവര് പങ്കെടുത്തു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക
