തിരുവനന്തപുരം : തിരുവിതാംകൂര്‍ ദേവസ്വം ബോര്‍ഡിലെ ക്ലാര്‍ക്ക് – സബ് ഗ്രൂപ്പ് ഓഫീസര്‍ ഒഴിവുകളിലേക്ക് അപേക്ഷിക്കാനുള്ള സമയം ദീര്‍ഘിപ്പിച്ചു. ജൂണ്‍ 30 ന് രാത്രി 12 വരെ ഓണ്‍ലൈനിലൂടെ അപേക്ഷിക്കാം. അപേക്ഷിക്കാനുള്ള സമയം 18 വരെയായിരുന്നു. ഓണ്‍ലൈന്‍ തിരക്ക് മൂലം അപേക്ഷിക്കാന്‍ കഴിയുന്നില്ലെന്ന് സൂചിപ്പിച്ച്‌ ദേവസ്വം മന്ത്രി കെ രാധാകൃഷ്ണന് നിരവധി പരാതികള്‍ കിട്ടിയിരുന്നു. തുടര്‍ന്ന് ദേവസ്വം റിക്രൂട്ട്മെന്റ് ബോര്‍ഡുമായി നടത്തിയ ചര്‍ച്ചകളിലാണ് പുതിയ തീരുമാനം ഉണ്ടായത്. എസ്‌എസ്‌എല്‍സി പാസായ 18 നും 36 നും മധ്യ പ്രായമുള്ളവര്‍ക്ക് ഈ തസ്തികയിലേക്ക് ജൂണ്‍ 30 വരെ അപേക്ഷിക്കാം.
