മല്ലപ്പള്ളി : പെരുമ്പെട്ടി വില്ലേജിലെ പട്ടയ പ്രശ്നം പരിഹരിക്കുന്നതിനുള്ള ഡിജിറ്റൽ റീ സർവ്വേക്കു തുടക്കമായി. കൊറ്റനാട് പഞ്ചായത്ത് പ്രസിഡന്റ്‌ ഉഷാ സുരേന്ദ്രനാഥ്‌ ഉദ്ഘാടനം നിർവഹിച്ചു. ലാൻഡ് റവന്യു കമ്മീഷണറുടെ ഉത്തരവനുസരിച്ച് ഭൂമിയുടെ തൽസ്ഥിതി അനുസരിച്ചു സർവ്വേ ചെയ്തു രേഖകൾ തയ്യാറാക്കാനുള്ള നടപടികളാണ് ആരംഭിച്ചത്. രണ്ടാഴ്ച്ചക്കുള്ളിൽ പട്ടയം ഇല്ലാത്ത കർഷകരുടെ ഭൂമി മുഴുവൻ അളന്നു തീർക്കാൻ സാധിക്കുമെന്ന് പ്രത്യാശിക്കുന്നതായി സർവ്വേ സുപ്രണ്ട് റ്റി.ഗീതാകുമാരി പറഞ്ഞു. ആവശ്യത്തിന് സർവ്വേ ടീമുകളെ ലഭ്യത അനുസരിച്ചു നിയോഗിക്കും. പെരുമ്പെട്ടി വില്ലേജിലെ 512 കർഷകർക്കാണ് പട്ടയം ലഭിക്കേണ്ടത്. പ്രമോദ് നാരായൺ എംഎൽഎയും ജില്ലാ കളക്ടറും അടുത്ത ദിവസങ്ങളിൽ സർവ്വേ പുരോഗതി വിലയിരുത്താൻ സ്ഥലം സന്ദർശിക്കും. ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ഉഷാഗോപി അധ്യക്ഷത വഹിച്ചു. പഞ്ചായത്തംഗം പ്രകാശ് പി. സാം, വില്ലേജ് ഓഫീസർ മഞ്ജുലാൽ, ജയിംസ് കണ്ണിമല, സന്തോഷ്‌ പെരുമ്പെട്ടി എന്നിവർ പ്രസംഗിച്ചു.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
