റാന്നി : വെള്ളപ്പൊക്കത്തെ തുടർന്ന് ഉത്പാദനം നിർത്തിവെച്ച പെരുന്തേനരുവി വൈദ്യുതി പദ്ധതിയുടെ പ്രവർത്തനം ഉടൻ പുനരാരംഭിക്കും. ഒഴുകിയെത്തിയ മണലും ചെളിയും അടിഞ്ഞതുമൂലം തടയണയിലെ ഷട്ടറുകൾ തുറക്കാനാകാത്ത സ്ഥിതിയിലായിരുന്നു. ഇതു മൂലം കഴിഞ്ഞ ആറിന് പ്രവർത്തനം നിര്ത്തിവെച്ച പദ്ധതി ഇതുവരെ പുനരാരംഭിക്കാനായില്ല.
ഇപ്പോൾ ഡാം സുരക്ഷാ വിഭാഗത്തിന്റെ നേതൃത്വത്തിൽ മോട്ടോർ ഉപയോഗിച്ചു് വെള്ളം പമ്പു ചെയ്ത് മണലും ചെളിയും നീക്കുകയാണ്. രണ്ടാഴ്ചയ്ക്കുള്ളിൽ ഉത്പാദനം പുനരാരംഭിക്കാൻ കഴിഞ്ഞേക്കും. പമ്പാ നദിയിൽ പെരുന്തേനരുവിക്ക് മുകളിലായി നിർമിച്ചിട്ടുള്ള തടയണയിൽ നിന്ന് കനാലിലൂടെ 300 മീറ്റർ അകലെയുള്ള പവർ സ്റ്റേഷനിൽ വെള്ളം എത്തിച്ചാണ് വൈദ്യുതി ഉദ്പാദിപ്പിക്കുന്നത്.
