കോഴഞ്ചേരി : ഫിലിപ്പോസ് മാർ യൗസോഫിയോസ് മെത്രാപ്പോലിത്ത, ബിഷപ്പ് ഡോ. സൈമൺ സ്ട്രേക്ക് പാലാത്ര, മുൻ എം എൽ എ ഡോ.ജോർജ്ജ് മാത്യു, മുൻ മന്ത്രി കെ. ജെ. ചാക്കോ കല്ലുകളം എന്നീവരുടെ അനുസ്മരണ സമ്മേളനം നടത്തി. മധ്യതിരുവിതാംകൂർ വികസന കൗൺസിലിന്റെയും മുൻ എം എൽ എ ഡോ. ജോർജ്ജ് മാത്യൂ മെമ്മോറിയൽ ട്രസ്റ്റിന്റെയും പേരങ്ങാട്ട് മഹാകുടുംബയോഗത്തിന്റെയും സംയുക്ത ആഭിമുഖ്യത്തിലായിരുന്നു അനുസ്മരണ സമ്മേളനം. ഡോ. ജോർജ്ജ് മാത്യു മെമ്മോറിയൽ ട്രസ്റ്റ് ആഡിറ്റോറിയത്തിൽ വെച്ച് നടന്ന സമ്മേളനം മലങ്കര ഓർത്തഡോക്സ് സഭ സീനിയർ വൈദീകനും മദ്ധ്യതിരുവിതാംകൂർ വികസന കൗൺസിൽ വൈസ് പ്രസിഡന്റുമായ റവ. ഫാദർ കെ. എ. ചെറിയാൻ ഉൽഘാടനം ചെയ്തു.
ആദ്ധ്യാത്മിക രംഗത്തും രാഷ്ട്രീയ സാംസ്കാരിക രംഗത്തും വ്യക്തിമുദ്ര പതിപ്പിച്ച മഹത് വ്യക്തികളായിരുന്നു ഫിലിപ്പോസ് മാർ യൗസോഫിയോസ് മെത്രാപ്പോലിത്ത, ബിഷപ്പ് ഡോ. സൈമൺ സ്ട്രേക്ക് പാലത്ര, ഡോ. ജോർജ്ജ് മാത്യൂ, കെ. ജെ. ചാക്കോ എന്നിവരെന്നും കാലങ്ങള് കഴിഞ്ഞാലും ഇവരുടെ ഓര്മ്മകള് നിലനില്ക്കുമെന്നും റവ. ഫാദർ കെ. എ. ചെറിയാൻ പറഞ്ഞു. മദ്ധ്യതിരുവിതാംകൂർ വികസന കൗൺസിൽ പ്രസിഡന്റ് വിക്ടർ ടി. തോമസ് അദ്ധ്യക്ഷത വഹിച്ചു. അനുസ്മരണ സമ്മേളനത്തോടനുബന്ധിച്ച് സൗജന്യ നേത്ര പരിശോധന ക്യാമ്പും നടത്തി.
മുളമൂട്ടിൽ കുടുംബയോഗം പ്രസിഡന്റ് റവ. മാത്യൂ ജോൺ, ഡോ. ജോർജ്ജ് മാത്യൂ മെമ്മോറിയൽ ട്രസ്റ്റ് ജനറൽ സെക്രട്ടറി അഡ്വ. എൻ. ബാബു വർഗ്ഗീസ്, വൈ.എം.സി.എ ദേശീയ ട്രഷറർ റെജി ജോർജ്ജ്, കോഴഞ്ചേരി പഞ്ചായത്ത് മുൻ പ്രസിഡന്റ് റോയി ഫിലിപ്പ്, ആനി ജോസഫ്, കുഞ്ഞുമോൻ കെങ്കിരേത്ത് പഞ്ചായത്ത് മെമ്പർമാരായ ജിബി തോമസ്, ഗ്രേസമ്മ തോമസ്, ബ്ലസ്സൻ സിയോൺ, സി. റ്റി. ജോൺ, ഡോ. ഹൈദ്രാസ്, പ്രസാദ് ടൈറ്റസ്, പ്രൊഫ. ഡോ. ജോർജ്ജ് മാത്യൂ, ചെറുകോൽ പഞ്ചായത്ത് മുൻ പ്രസിഡന്റ് സണ്ണി മാത്യൂ, കെ. ആർ. അശോക് കുമാർ, ശ്രികുമാർ ഇരുപ്പക്കാട്ട്, പാസ്റ്റർ മോൻസി എബ്രഹാം, ഷിജിൻ വർഗ്ഗീസ്, ഡോ. റോഷ്നി മാത്യു എന്നിവർ പ്രസംഗിച്ചു.
