പത്തനംതിട്ട : സ്വന്തം നിഴലിനെപ്പോലും പേടിക്കുന്ന ഏകാധിപതിയായ മുഖ്യമന്ത്രിയാണ് സംസ്ഥാനം ഭരിക്കുന്ന പിണറായി വിജയനെന്ന് കെ.പി.സി.സി അംഗം രാഹുല്‍ മാങ്കൂട്ടത്തില്‍ പറഞ്ഞു. അഴിമതികളെ ചോദ്യം ചെയ്യുന്ന കെ.പി.സി.സി പ്രസിഡന്‍റ്, പ്രതിപക്ഷ നേതാവ് എന്നിവര്‍ക്കെതിരെ കള്ളക്കേസ് ചമയ്ക്കുന്ന സര്‍ക്കാര്‍ നടപടിയിലും മാധ്യമ വേട്ടയിലും പ്രതിഷേധിച്ച് കെ.പി.സി.സി ആഹ്വാനം അനുസരിച്ച് തണ്ണിത്തോട് ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തില്‍ മലയാലപ്പുഴ പോലീസ് സ്റ്റേഷനിലേക്ക് നടത്തിയ പ്രതിഷേധ മാര്‍ച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അഴിമതിക്കും കെടുകാര്യസ്ഥതയ്ക്കും അവാര്‍ഡ് നല്‍കുമെങ്കില്‍ അത് ആദ്യം ലഭിക്കുന്നത് സംസ്ഥാന സര്‍ക്കാരിനും മുഖ്യമന്ത്രിക്കുമായിരിക്കുമെന്നും രാഹുല്‍ മാങ്കൂട്ടത്തില്‍ പറഞ്ഞു.
കാര്യക്ഷമതയില്ലാത്ത പോലീസ് ഭരണമാണ് സംസ്ഥാനത്തുള്ളതെന്നതിന്‍റെ ഏറ്റവും വലിയ ഉദാഹരണമാണ് ആലുവയില്‍ പിഞ്ചുകുഞ്ഞിന്‍റെ തിരോധാനവും തുടര്‍ന്നുള്ള കൊലപാതകവുമെന്ന് അദ്ദേഹം പറഞ്ഞു. മുഖ്യമന്ത്രി നടത്തിയ ഡോളര്‍ കടത്തും എ.ഐ ക്യാമറ അഴിമതികള്‍ ഉള്‍പ്പെടെയുള്ളവയും ചൊദ്യം ചെയ്യുന്നതിന്‍റെ പേരില്‍ ജനശ്രദ്ധ തിരിക്കുവാനാണ് കെ.പി.സി.സി പ്രസിഡന്‍റ് കെ. സുധാകരനേയും പ്രതിപക്ഷ നേതാവ് വിഡി സതീശനേയും കള്ളക്കേസില്‍ കുടുക്കി പൊതുമധ്യത്തില്‍ അപഹസിക്കുവാന്‍ ശ്രമം നടത്തുന്നതെന്നും ഇതുകൊണ്ടൊന്നും പിററായി വിജയന് രക്ഷപെടാന്‍ സാധിക്കില്ലെന്നും രാഹുല്‍ മാങ്കൂട്ടത്തില്‍ പറഞ്ഞു.
ബ്ലോക്ക് പ്രസിഡന്‍റ് ആര്‍. ദേവകുമാര്‍ അദ്ധ്യക്ഷത വഹിച്ചു. ഡി.സി.സി ജനറല്‍ സെക്രട്ടറിമാരായ സാമുവല്‍ കിഴക്കുപുറം, എലിസബത്ത് അബു, ഡി.സി.സി അംഗങ്ങളായ യോഹന്നാന്‍ ശങ്കരത്തില്‍, പി.കെ ഗോപി, കെ.എസ്.യു ജില്ലാ പ്രസിഡന്‍റ് അലന്‍ ജിയോ മൈക്കിള്‍, പ്രമോദ് താന്നിമൂട്ടില്‍, ദിലീപ് കുമാര്‍ പൊതീപ്പാട്, രതീഷ് കെ. നായര്‍, വി.സി ഗോപിനാഥപിള്ള, ജി. ശ്രീകുമാര്‍, സി.വി. ശാന്തകുമാര്‍, ബഷീര്‍ വെള്ളത്തറയില്‍, എ. ബഷീര്‍, ഷമീര്‍ തടത്തില്‍, ശ്യാം എസ്. നായര്‍, സണ്ണി കണ്ണംമണ്ണില്‍, അജയന്‍പിള്ള, ആനിക്കനാട്ട്, എം.വി. അമ്പിളി, എല്‍സി ഈശോ, അജോയ് ഫിലിപ്പ്, ബിജു കുമ്മണ്ണൂര്‍, ശശിധരന്‍ നായര്‍ കോതകത്ത്, ഷാജി കെ. സാമുവല്‍, എം.ആര്‍ ശ്രീധരന്‍ , രവി കണ്ടത്തില്‍, എലിസബത്ത് രാജു, ബിന്ദു ജോര്‍ജ്, സുജാത മോഹന്‍, മീരാന്‍ വടക്കുപുറം, സിനിലാല്‍ പൊതീപ്പാട്, സുനോജ് മലയാലപ്പുഴ എന്നിവര്‍ പ്രസംഗിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
