ന്യൂഡല്‍ഹി: വ്യാജ ട്വീറ്റുകളുടെ ഉറവിടം വ്യക്തമാക്കില്ലെന്ന ട്വിറ്ററിന്റെ പിടിവാശിയോടെ കേന്ദ്ര സര്‍ക്കാരിന്റെ ഐടി നിയമങ്ങള്‍ കര്‍ശനമാക്കിയിരുന്നു. ഫേസ്ബുക്കിന്റെ ഉടമസ്ഥതയിലുള്ള ഇന്‍സ്റ്റന്റ് മെസ്സേജിങ് ആപ്പ് വാട്സ്ആപ്പ് കോടതിയെ സമീപിച്ചതോടെ സൈബറിടത്തെ സ്വകാര്യതയുമായി ബന്ധപ്പെട്ട ചര്‍ച്ചകള്‍ വീണ്ടും ചര്‍ച്ചയായി മാറിയിരിക്കുന്നു. എന്നാല്‍ ഒടുവില്‍ ട്വിറ്റര്‍ വഴിക്കു വന്നിരുന്നു.
ഇതിനിടെ തെറ്റായ വിവരങ്ങള്‍ നല്‍കിയതിന് ട്വിറ്ററിനെതിരെ എഫ്‌ഐആര്‍ രജിസ്റ്റര്‍ ചെയ്യാന്‍ ദേശീയ ബാലാവകാശ സംരക്ഷണ കമ്മീഷന്‍ (എന്‍‌സി‌പി‌സി‌ആര്‍) ദില്ലി പോലീസിനോട് ആവശ്യപ്പെട്ടു. കമ്മീഷന്റെ അന്വേഷണത്തില്‍ തെറ്റായ പ്രസ്താവന നടത്തിയതിന് ഇന്ത്യന്‍ പീനല്‍ കോഡിലെ സെക്ഷന്‍ 199 പ്രകാരം ട്വിറ്റര്‍ കമ്മ്യൂണിക്കേഷന്‍സ് ഇന്ത്യ പ്രൈവറ്റ് ലിമിറ്റഡിന് ബ്ലോക്ക് ചെയ്യണമെന്ന് ബാലാവകാശ കമ്മീഷന്‍ പോലീസിനോട് ആവശ്യപ്പെട്ടു.
കുട്ടികളെ പീഡിപ്പിക്കുന്ന ദൃശ്യങ്ങളുള്ള ഗ്രൂപ്പുകളിലെ ലിങ്കുകള്‍ ട്വിറ്ററിലുണ്ടെന്നാണ് പരാതി. കുട്ടികള്‍ക്ക് സുരക്ഷിതമാകുന്നതുവരെ മൈക്രോബ്ലോഗിംഗ് പ്ലാറ്റ്‌ഫോമിലേക്കുള്ള പ്രവേശനം താല്‍ക്കാലികമായി നിര്‍ത്തിവെച്ചിരിക്കണമെന്ന് എന്‍‌സി‌പി‌സി‌ആര്‍ ഐടി മന്ത്രാലയത്തോട് അഭ്യര്‍ത്ഥിച്ചു. സോഷ്യല്‍ മീഡിയ പ്ലാറ്റ്‌ഫോം നടത്തുന്ന യുഎസ്‌എ ആസ്ഥാനമായുള്ള കമ്പിനിയായ ട്വിറ്റര്‍ ഇങ്കുമായി കമ്പിനിക്ക് ബന്ധമില്ലെന്ന് കള്ളം പറഞ്ഞതിന് ട്വിറ്റര്‍ ഇന്ത്യ ബ്ലോക്ക് ചെയ്യാന്‍ എന്‍‌സി‌പി‌സി‌ആര്‍ ദില്ലി പോലീസിനോട് ആവശ്യപ്പെട്ടു.
ഓണ്‍ലൈന്‍ പ്ലാറ്റ്‌ഫോമുകളില്‍ ലഭ്യമായ എന്‍‌സി‌പി‌സി‌ആറിന്റെ കുട്ടികളെ ലൈംഗികമായി ദുരുപയോഗം ചെയ്യുന്ന മെറ്റീരിയലിനെ (സി‌എസ്‌എ‌എം) തടയുന്നതിനാണ് കേസ്. ഗൂഗിള്‍, ട്വിറ്റര്‍, വാട്സ്ആപ്പ്, ആപ്പിള്‍ ഇന്ത്യ തുടങ്ങിയ കമ്പിനികള്‍ക്ക് കഴിഞ്ഞ വര്‍ഷം കമ്മീഷന്‍ നോട്ടീസ് നല്‍കിയിരുന്നു. അവരുടെ പ്ലാറ്റ്‌ഫോമുകളിലെ സി‌എസ്‌എമ്മിനെ നീക്കംചെയ്യാനും തടയാനും ഇതില്‍ അവര്‍ സ്വീകരിച്ച നടപടികളെക്കുറിച്ച്‌ വിശദീകരണം ആവശ്യപ്പെട്ടിരുന്നു.
