നാദാപുരം : പ്രായപൂർത്തിയാകാത്ത വിദ്യാർത്ഥിനിയോട് മോശമായി പെരുമാറിയെന്ന പരാതിയിൽ പോക്സോ വകുപ്പ് പ്രകാരം പാരലൽ കോളേജ് അധ്യാപകൻ അറസ്റ്റിൽ. അധ്യാപകൻ കുട്ടിക്ക് നേരെ ലൈംഗിക അതിക്രമം നടത്തിയെന്നാണ് മാതാവിന്റെ പരാതി. സംഭവവുമായി ബന്ധപ്പെട്ട് വെള്ളൂർ കോടഞ്ചേരി സ്വദേശി പാറോള്ളതിൽ ബാബുവിനെയാണ് (55) നാദാപുരം പോലീസ് അറസ്റ്റ് ചെയ്തത്.
സംഭവത്തിന് പിന്നാലെ ആൾക്കൂട്ടത്തിന്റെ മർദ്ദനമേറ്റ നിലയിൽ കണ്ടെത്തിയ പാരലൽ കോളേജ് അധ്യാപകൻ ബാബുവിനെ പോലീസാണ് ആശുപത്രിയിലെത്തിച്ചത്. ബാബുവിൻറെ നേതൃത്വത്തിൽ ഒരു മാസം മുമ്പാണ് പാരലൽ കോളേജ് ആരംഭിക്കുന്നത്. ബാബു അറസ്റ്റിലായതിന് പിന്നാലെ പാരലൽ കോളേജ് അടിച്ച് തകർത്ത് തീവെച്ച നിലയിൽ കണ്ടെത്തി. കോളേജ് അടിച്ച് തകർത്ത കേസുമായി ബന്ധപ്പെട്ട് അന്വേഷണം പുരോഗമിക്കുകയാണെന്ന് പോലീസ് വ്യക്തമാക്കി.
