തിരുവനന്തപുരം : പോലീസ് നിയമ ഭേദഗതി സംബന്ധിച്ച് എത്ര ആലോചനകള് നടന്നാലും പോരായ്മകളുണ്ടാകാമെന്നാണ് വ്യക്തമായതെന്ന് സി പി എം പോളിറ്റ് ബ്യൂറോ അംഗം എംഎ ബേബി. പോരായ്മകളെല്ലാം തിരിച്ചറിയുകയും അത് മനസിലാക്കുകയും ചെയ്യുന്നുവെന്നും എം എ ബേബി വ്യക്തമാക്കി.
വിമര്ശനം ഉണ്ടാക്കും വിധം പോലീസ് നിയമ ഭേദഗതി കൊണ്ടു വന്നത് പോരായ്മയാണ്. വിവാദങ്ങള് ഒഴിവാക്കാനാണ് ഇനി ശ്രമിക്കേണ്ടത്. എങ്ങനെ മുന്നോട്ട് പോകണമെന്ന് ചര്ച്ചകള്ക്ക് ശേഷം തീരുമാനിക്കുമെന്നും എം എ ബേബി പറഞ്ഞു. പോലീസ് നിയമ ഭേദഗതിക്കെതിരെ പാര്ട്ടിക്കകത്ത് തന്നെ രൂപപ്പെട്ട അസംതൃപ്തി പരസ്യമായി പ്രകടമാക്കുന്നതാണ് എം എ ബേബിയുടെ വാക്കുകള്.
പോലീസ് നിയമ ഭേഗതിക്കെതിരെ കടുത്ത വിമര്ശനങ്ങള് പാര്ട്ടിക്കകത്തും പ്രതിപക്ഷ നിരയിലും പൊതു സമൂഹത്തിലും ഉയര്ന്ന പശ്ചാത്തലത്തിലാണ് വിവാദ ഭേദഗതി പിന്വലിക്കാന് സംസ്ഥാന സര്ക്കാര് തീരുമാനിച്ചത്. സി പി എം കേന്ദ്ര നേതൃത്വത്തില് നിന്ന് അടക്കം വലിയ വിര്ശനമാണ് സംസ്ഥാന ഘടകവും സര്ക്കാരും നേരിട്ടത്.
