പാലക്കാട് : ആലത്തൂരില്‍ കുറുവാ സംഘം പിടിയില്‍. നിരവധി മോഷണക്കേസുകളില്‍ പ്രതികളായ മൂന്ന് പേരെയാണ് പോലീസ് പിടികൂടിയത്. ശിവഗംഗ സ്വദേശി മാരിമുത്തു, മധുര സ്വദേശി കോഴിക്കോട് താമസിക്കുന്ന തങ്കപ്പാണ്ടി, തഞ്ചാവൂര്‍ സ്വദേശി ശെല്‍വി പാണ്ഡ്യന്‍ എന്നിവരാണ് പിടിയിലായത്. ആളുകളെ ആക്രമിച്ച്‌ സ്വര്‍ണം കവരുന്നതാണ് സംഘത്തിന്റെ രീതി. മാരകായുധങ്ങളുമായാണ് സംഘം മോഷണത്തിനിറങ്ങുന്നത്.
മാരിമുത്തു തമിഴ്‌നാട്ടിലെ കുപ്രസിദ്ധ മോഷ്ടാവാണ്. ഇയാള്‍ക്കെതിരെ 30 കേസുകള്‍ തമിഴ്‌നാട്ടില്‍ മാത്രമുണ്ട്. പാലക്കാട് ജില്ലയില്‍ ഇവര്‍ ആറ് മോഷണങ്ങള്‍ നടത്തിയെന്ന് പോലീസ് അറിയിച്ചു. കോഴിക്കോടും തൃശൂരും ഇവര്‍ ആളുകളെ ആക്രമിച്ച്‌ മോഷണം നടത്തി. ആലത്തൂര്‍ ഡിവൈഎസ്പി കെ.എം ദേവസ്യയുടെ നേതൃത്വത്തിലുള്ള സംഘമാണ് കുറുവാ സംഘത്തെ കുടുക്കിയത്.
