കോട്ടയം: ഏറ്റുമാനൂരിൽ തട്ടുകടയിൽ വച്ചുണ്ടായ ഏറ്റുമുട്ടൽ തടയാൻ ശ്രമിച്ച പോലീസുകാരൻ മരിച്ച സംഭവത്തിൽ പ്രാഥമിക പോസ്റ്റ്‌മോർട്ടം റിപ്പോർട്ട് പുറത്ത്. മരണകാരണം നെഞ്ചിലേറ്റ ഗുരുതര പരിക്കാണെന്നാണ് റിപ്പോർട്ടിൽ പറയുന്നത്.ഇയാളുടെ വാരിയെല്ലുകൾ ഒടിയുകയും, ശ്വാസകോശത്തിൽ ക്ഷതവും ആന്തരിക രക്തസ്രാവവും ഉണ്ടാവുകയും ചെയ്തു. മരിച്ചത് കോട്ടയം വെസ്റ്റ് സ്റ്റേഷനിലെ ഡ്രൈവറായ ശ്യാം പ്രസാദ് ആണ്. ഇയാളെ ആക്രമിച്ച പെരുമ്പായിക്കാട് സ്വദേശിയായ ജിബിൻ ജോർജിനെ പോലീസ് അറസ്റ്റ് ചെയ്തിട്ടുണ്ടായിരുന്നു. ഏഴു കേസുകളിലെ പ്രതിയാണ് ഇയാളെന്ന് പോലീസ് അറിയിച്ചു. ഇവിടെ ഒരു കട മതിയെന്ന് പറഞ്ഞ് പ്രതി പ്രശ്നമുണ്ടാക്കിയത് ക്വട്ടേഷൻ ഏറ്റെടുത്തിട്ടാണോയെന്ന് പോലീസ് സംശയിക്കുന്നുണ്ട്. പോലീസുകാരൻ ഈ ദൃശ്യം പകർത്തിയതാണ് ഇയാളെ പ്രകോപിപ്പിച്ചത്. അദ്ദേഹത്തെ പ്രതി നിലത്തിട്ട് നെഞ്ചിൽ ചവിട്ടിയെന്നാണ് ദൃക്‌സാക്ഷി പറയുന്നത്.പോലീസിൻ്റെ പ്രാഥമിക നിഗമനം മരണകാരണം ആന്തരിക രക്തസ്രാവം ആണെന്നാണ്. പുലർച്ചെ ഒരു മണിയോടെയാണ് എം സി റോഡിൽ ആക്രമണം ഉണ്ടായത്. പ്രതി സ്ഥിരം കുറ്റവാളിയാണെന്നാണ് പോലീസ് പറയുന്നത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
