ന്യൂഡല്ഹി : രാത്രി വീട്ടില് വീട്ടില് അതിക്രമിച്ച് കയറി യുവതിയെ പീഡിപ്പിക്കാന് ശ്രമിച്ചെന്ന പരാതിയില് ഉത്തര്പ്രദേശ് പോലീസിലെ രണ്ട് കോണ്സ്റ്റബിള്മാരെ സസ്പെന്ഡ് ചെയ്തു. യുപിയിലെ കാണ്പൂരാണ് സംഭവം നടന്നത്. ഇരുവര്ക്കുമെതിരെ പോലീസ് കേസെടുത്തിട്ടുണ്ട്. നൗബസ്ത പോലീസ് സ്റ്റേഷന് പരിധിയിലെ ലാല്പൂര് ഇന്റര്സെക്ഷനില് സംഘര്ഷം നടക്കുന്നെന്ന വിവരത്തെത്തുടര്ന്നാണ് പോലീസുകാര് സ്ഥലത്തെത്തിയത്.
ഒരു പച്ചക്കറി വ്യാപാരിയും യുവാവും തമ്മിലായിരുന്നു വാക്കേറ്റം. എന്നാല് പോലീസിനെ കണ്ടതോടെ യുവാവ് ഓടി രക്ഷപ്പെട്ടു. തുടര്ന്ന് മദ്യലഹരിയിലായിരുന്ന പോലീസുകാര് പച്ചക്കറി വ്യാപാരിയുടെ വീട്ടില് അതിക്രമിച്ചു കയറി. വ്യാപാരിയെ തള്ളിമാറ്റുകയും ഭാര്യയെ പീഡിപ്പിക്കാനും ശ്രമിക്കുകയായിരുന്നു. യുവതി ബഹളം വെച്ചതോടെ നാട്ടുകാര് എത്തി ഇരു കോണ്സ്റ്റബിള്മാരെയും ഓടിച്ചിട്ട് പിടികൂടുകയായിരുന്നു.
വിവരമറിഞ്ഞ് എഡിസിപി ഉള്പ്പെടെയുള്ള പോലീസ് ഉദ്യോഗസ്ഥര് സ്ഥലത്തെത്തി. ഇരയുടെ പരാതിയെ തുടര്ന്ന് എഫ്ഐആര് രജിസ്റ്റര് ചെയ്തതായി ഉദ്യോഗസ്ഥര് അറിയിച്ചു. സ്ത്രീ ഉന്നയിച്ച എല്ലാ ആരോപണങ്ങളും പരിശോധിച്ചു വരികയാണ്. രണ്ട് കോണ്സ്റ്റബിള്മാരെയും സസ്പെന്ഡ് ചെയ്തെന്നും പോലീസ് പറഞ്ഞു. സംഭവത്തിന്റെ ഒരു വീഡിയോ സോഷ്യല് മീഡിയയില് വൈറലായിരുന്നു. ഇതില് ഇരയായ യുവതി കുറ്റാരോപിതനായ പോലീസുകാരനെ തല്ലുന്നതായി കാണാം.
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില്
മുന്നിര ചാനലായ പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് നല്കാം. ഓണ് ലൈന് ന്യൂസ് പോര്ട്ടല് ആയതിനാല് നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള് എന്നിവ വാങ്ങാനും വില്ക്കാനും വീട് /ഓഫീസ് എന്നിവ വാടകയ്ക്ക് നല്കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര് ഫോട്ടോസ് ഉള്പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്ട്ടലില് ഉണ്ടാകും. ആവശ്യമെങ്കില് ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല് വിവരങ്ങള്ക്ക് 94473 66263, 85471 98263 വിളിക്കുക.
