തിരുവനന്തപുരം: സോളാര്‍ കേസില്‍ താന്‍ രാഷ്ട്രീയ ആയുധമാക്കപ്പെട്ടോയെന്ന് സംശയിക്കുന്നതായി സരിത എസ് നായര്‍ പറയുന്നു. തട്ടിപ്പ് കേസുകളൊതുക്കാന്‍ യുഡിഎഫ് നല്‍കിയത് അഞ്ച് ലക്ഷം മാത്രമായിരുന്നു. തന്‍റെ പേരില്‍ പലരും പണം വാങ്ങിയിട്ടുണ്ടാകാം. സ്ഥലം വിറ്റാണ് നിക്ഷേപകരില്‍ ചിലരുടെ പണം തിരിച്ചുനല്‍കിയതെന്നും സരിത പറയുകയുണ്ടായി.
വര്‍ഷങ്ങളോളം രാഷ്ട്രീയ കേരളം ചുറ്റിത്തിരിയുകയുണ്ടായത് സരിതയുടെ വാക്കിലായിരുന്നു. 2013 ജൂണ്‍ രണ്ടിന് സരിത കസ്റ്റഡിയിലായതോടെ സോളാര്‍ ബോംബ് പൊട്ടന്‍ തുടങ്ങി. 2014 ഫെബ്രുവരി 21ന് ജയില്‍ വിട്ട സരിതയുടെ വെളിപ്പെടുത്തലുകള്‍ ഉണ്ടാക്കിയത് വലിയ വിവാദമായിരുന്നു. തുറന്ന് പറച്ചില്‍ പരമ്ബരകള്‍ക്ക് ശേഷം സരിത പിന്നെ കേരളം വിടുകയുണ്ടായി. പവര്‍ കണ്‍സല്‍ട്ടന്‍റായും പേപ്പര്‍ കപ്പ് യൂണിറ്റ് നടത്തിയും ഒരു വര്‍ഷത്തോളമായി ജീവിതം ഇപ്പോള്‍ നാഗ‍ര്‍കോവിലിലാണ് ഉള്ളത്. സോളാറില്‍ ഒരേ സമയം പ്രതിയും പരാതിക്കാരിയുമാണ് സരിത ഉള്ളത്. വിവാദം ആറിത്തണുത്ത ഇക്കാലത്ത് തനിക്കും നീതി കിട്ടിയില്ലെന്നാണ് നിക്ഷേപകരെ പോലെ സരിതയും പറയുകയാണ്.
തട്ടിപ്പ് കേസ് മറയ്ക്കാന്‍ പീഡനപരാതി ഉയര്‍ത്തിയെന്ന ആക്ഷേപം ശരിയല്ല. ജയിലില്‍ നിന്നെഴുതിയ കത്തില്‍ പറഞ്ഞതെല്ലാം സത്യമാണ്. മൊഴി മാറ്റാാന്‍ വന്‍തുക കിട്ടിയെന്നത് കളവാണ്. തന്‍റെ മൊഴിവെച്ച്‌ ആരെങ്കിലും പണമുണ്ടാക്കിയോ എന്നതിനെക്കുറിച്ച്‌ തനിക്ക് വ്യക്തതയില്ല, ശിവരാജന്‍ കമ്മീഷനോടും അന്വേഷണ ഉദ്യോഗസ്ഥരോടും എല്ലാം പറഞ്ഞിട്ടും കേസുകള്‍ നീളുന്നതിന്‍റെ കാരണം അറിയില്ലെന്നും ടീം സോളാര്‍ പൊളിയാന്‍ കാരണം നിക്ഷേപകരുടെ പണം ബിജുരാധാകൃഷ്ണന്‍ കൊണ്ടുപോയതാണെന്നും സരിത പറഞ്ഞു.
