തിരുവനന്തപുരം : മത- രാഷ്ട്രീയ സംഘടനകള്ക്ക് ഫയര് ഫോഴ്സ് പരിശീലനം നല്കേണ്ടന്ന് ഫയര് ഫോഴ്സ് മേധാവി ബി.സന്ധ്യ. ഇതിന്റെ ഭാഗമായി സര്ക്കുലര് പുറത്തിറക്കി. പോപ്പുലര് ഫ്രണ്ടിന് പരിശീലനം നല്കിയത് വിവാദമായതോടെയാണ് നടപടി. സര്ക്കാര് അംഗീകൃത സംഘടനകര്, വ്യാപാര സ്ഥാപനങ്ങള്, സിവില് ഡിഫന്സ് പ്രവര്ത്തകര് എന്നിവര്ക്കര്ക്ക് പരിശീലനം നല്കാം.
പരിശീലന അപേക്ഷകളില് ഉന്നത ഉദ്യോഗസ്ഥരുമായി കൂടിയാലോചന വേണമെന്നും ബി.സന്ധ്യ വ്യക്തമാക്കി. മാര്ച്ച് 31നാണ് പോപ്പുലര് ഫ്രണ്ട് പ്രവര്ത്തകര്ക്ക് ആലുവ മുനിസിപ്പല് ഓഡിറ്റോറിയത്തില് പരിശീലനം നല്കിയത്. രക്ഷാപ്രവര്ത്തന രീതികളാണ് പരിശീലിപ്പിച്ചത്. വീഴ്ച വന്നതായി വിലയിരുത്തിയതിനാല് അഗ്നിരക്ഷാസേനാ വിഭാഗം മേധാവിതന്നെ അന്വേഷണത്തിനു മുന്കയ്യെടുത്തിരുന്നു.
