പത്തനംതിട്ട : ഐക്യ കർഷക സംഘം പത്തനംതിട്ട ജില്ല കമ്മറ്റി കേന്ദ്ര സർക്കാരിന്റെ കർഷക പെൻഷൻ അടിയന്തരമായും കൊടുത്തു തീർക്കണമെന്ന് ആർ.എസ്.പി ജില്ലാ സെക്രട്ടറി അഡ്വ.ജോർജ് വർഗീസ് പ്രസ്താവിച്ചു. ഐക്യ കർഷകസംഘം പത്തനംതിട്ട ജില്ലാ കമ്മിറ്റിയുടെ നേതൃത്വത്തിൽ പത്തനംതിട്ട ഹെഡ് പോസ്റ്റ് ഓഫീസ് പടിക്കൽ നടത്തിയ ധർണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. യോഗത്തിൽ ഐക്യ കർഷകസംഘം മുൻ സംസ്ഥാന പ്രസിഡന്റ് കലാനിലയം രാമചന്ദ്രൻ നായർ അധ്യക്ഷത വഹിച്ചു.
ആർഎസ്പി സംസ്ഥാന കമ്മിറ്റി അംഗം തോമസ് ജോസഫ്, യൂ ടി യൂ സി ജില്ലാ പ്രസിഡന്റ് പി.കെ സോമരാജൻ, കർഷകസംഘം ജില്ലാ സെക്രട്ടറി പ്രൊഫ.ബാബു ചാക്കോ, കർഷകസംഘം സംസ്ഥാന സമിതി അംഗം പെരിങ്ങര രാധാകൃഷ്ണൻ, ആർ.എസ്.പി ജില്ലാ സെക്രട്ടറിയേറ്റ് അംഗംകളായ ജോൺസ് യോഹന്നാൻ, പൊടിമോൻ കെ മാത്യു, പി.എം ചാക്കോ, ഈപ്പൻ മാത്യു എന്നിവർ സംസാരിച്ചു
