കോഴിക്കോട് : കെ.എസ്.യു സംസ്ഥാന പ്രസിഡന്‍റ് കെ.എം അഭിജിത്തിനെതിരെ കോഴിക്കോട് ഡിസിസി യില്‍ പോസ്റ്ററുകള്‍. കെ.എസ്.യു സംസ്ഥാന പ്രസിഡന്‍റ് സ്ഥാനം അഭിജിത്ത് രാജി വെക്കുക, 5 വര്‍ഷമായി തുടരുന്ന സംസ്ഥാന കമ്മിറ്റി പിരിച്ചു വിട്ട് പുനസംഘടിപ്പിക്കണം തുടങ്ങിയ ആവശ്യങ്ങള്‍ ഉന്നയിച്ചാണ് പോസ്റ്റര്‍ പതിച്ചിരിക്കുന്നത്. ഗള്‍ഫ് മുതലാളിമാരുടെ കൈകളിലെ പാവയാണ് അഭിജിത്തെന്നും പോസ്റ്ററുകളില്‍ ആക്ഷേപമുണ്ട്. സേവ് കെ.എസ്.യു ഫോറത്തിന്റെ പേരിലാണ് പോസ്റ്ററുകള്‍ പ്രത്യക്ഷപ്പെട്ടത്.
