റാന്നി: മഴക്കാലപൂർവ ശുചീകരണത്തിന്റെയും ആരോഗ്യ ജാഗ്രതാ പ്രവർത്തനങ്ങളുടെയും ഭാഗമായി നാറാണംമൂഴി ഗ്രാമപഞ്ചായത്തും കുടുംബാരോഗ്യ കേന്ദ്രവും സംയുക്തമായി സംഘടിപ്പിച്ച പഞ്ചായത്തുതല ഉദ്ഘാടനം അത്തിക്കയം ജംഗ്ഷനിൽ നടന്നു.
അത്തിക്കയം മാർക്കറ്റും സമീപത്തെ പൊതുസ്ഥലങ്ങളും കേന്ദ്രീകരിച്ച് ശുചീകരണ യജ്ഞം നടത്തി. ഹെൽത്ത് ഇൻസ്പെക്ടർ മനോജിന്റെ നേതൃത്വത്തിൽ നടന്ന ശുചീകരണ പ്രവർത്തനങ്ങളിൽ കുടുംബാരോഗ്യ കേന്ദ്രത്തിലെ ആരോഗ്യ പ്രവർത്തകർ, ഹരിതകർമ്മ സേന, തൊഴിലുറപ്പ് അംഗങ്ങൾ, കുടുംബശ്രീ പ്രവർത്തകർ എന്നിവർ പങ്കാളികളായി.
ബ്ലോക്ക് പഞ്ചായത്ത് പ്രസിഡന്റ് സോണിയ മനോജ് ശുചീകരണ യജ്ഞം ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് എച്ച്. സുനിൽ കുമാർ അധ്യക്ഷത വഹിച്ചു.
വൈസ് പ്രസിഡന്റ് റീന ജെയിംസ്, വാർഡ് മെമ്പർമാരായ എബ്രഹാം വർഗീസ്, തോമസ് ജോർജ്, ബിജു ഇ.വി, ഉദയൻ സി.എം, മറിയാമ്മ മാത്യു, തങ്കമ്മ രാജേന്ദ്രൻ, മഞ്ജു പി, ശർമിള ടി.കെ, രവി എം.കെ എന്നിവർ പ്രസംഗിച്ചു.
