പന്തളം : ശ്രീനാരായണഗുരുവിന്‍റെ 96-ാമത് മഹാസമാധി എസ്.എൻ.ഡി. പിശാഖായോഗങ്ങളുടെയും ശ്രീനാരായണ പ്രസ്ഥാനങ്ങളുടെയും ആഭിമുഖ്യത്തിൽ 22 ന് ഗുരുക്ഷേത്രങ്ങളിൽ ആചരിക്കും. 2456-ാം നമ്പർ പൂഴിക്കാട് ശാഖായോഗത്തിന്റെ ആഭിമുഖ്യത്തിൽ രാവിലെ ഗുരുപൂജ, ഗുരുദേവ കൃതികളുടെ പാരായണം, 3 ന് സമൂഹപ്രാർത്ഥന, 3.30 ന് പായസ വിതരണം എന്നിവ നടക്കും. 285-ാം നമ്പർ കുരമ്പാല ശാഖായോഗത്തിന്റെ ആഭിമുഖ്യത്തിൽ ഗുരുക്ഷേത്രത്തിൽ പ്രത്യേക പൂജകൾ, സമൂഹ പ്രാർത്ഥന, കഞ്ഞി വീഴ്ത്തൽ പായസവിതരണം. 4681-ാം നമ്പർ പൂഴിക്കാട് എസ്. എൻ. നഗർ ശാഖായോഗത്തിന്റെ ആഭിമുഖ്യത്തിൽ ഗുരുമന്ദിരത്തിൽ പൂജകൾ, ഗുരുദേവ കൃതികളുടെ പരായണം, സമൂഹ പ്രർത്ഥന, പായസവിതരണം. 229-ാം നമ്പർ മുട്ടം തുമ്പമൺ ശാഖായോഗത്തിന്റെ ആഭിമുഖ്യത്തിൽ ഗുരുക്ഷേത്രത്തിൽ വിശേഷാൽ പൂജകൾ, സമൂഹ പ്രാർത്ഥന, പായസവിതരണം എന്നിവ നടക്കും.
കുളനട കൈപ്പുഴ 67-ാം നമ്പർശാഖായോഗത്തിലെ ഗുരു മന്ദിരങ്ങളിൽ പ്രത്യേക പൂജകൾ 12 ഓളം കേന്ദ്രങ്ങളിൽ ഗുരുദേവ കൃതികളുടെ പാരായണം അന്നദാന വിതരണം കഞ്ഞി വീഴ്ത്തൽ പായസ സദ്യ എന്നിവ നടക്കും. ഉള്ളന്നൂർ 368-ാം ശാഖായോഗത്തിലും ഉള്ളന്നൂർ തെക്ക് 3422-ാം നമ്പർ ശാഖായോഗത്തിലും ഗുരുക്ഷേത്രങ്ങളിൽ പ്രത്യേക പൂജകൾ, ഗുരുദേവ കൃതികളുടെ പാരായണം സമൂഹ പ്രാർത്ഥന കഞ്ഞി വിതരണം എന്നിവ നടക്കും. പന്തളം ടൗൺ കടയ്ക്കാട് 4406-ാം നമ്പർ ശാഖ യോഗത്തിന്റെ നേതൃത്വത്തിൽ സമൂഹ പ്രാർത്ഥന കഞ്ഞി വീഴ്ത്തൽ, പടുക്കോട്ടുക്കൽ 2838 -ാം നമ്പർ ശാഖായോഗത്തിലും, പൊങ്ങലടി മാമൂട് 4909-ാം നമ്പർ ശാഖയിലും, പൊങ്ങലടി 389-ാം ശാഖ, 4964-ാം നമ്പർ വിജയപുരം ശാഖ, 3311 നമ്പർ ഭൂവനേശ്വരം ശാഖ എന്നിവിടങ്ങളിലും പ്രത്യേക പൂജകൾ, സമൂഹ പ്രാർത്ഥന, കഞ്ഞിവീഴ്ത്തൽ പായസവിതരണം തുടങ്ങിയവ ഉണ്ടാകും.
