ദില്ലി: ഗുജറാത്ത് സര്ക്കാരിന് തിരിച്ചടിയായി രാഹുലിനെ ശിക്ഷിച്ച ജഡ്ജി ഉള്പ്പെടെ 68 പേരുടെ സ്ഥാനക്കയറ്റത്തിന് സുപ്രീം കോടതി സ്റ്റേ. ജില്ലാ ജഡ്ജിമാരായി നിയമിക്കാനുള്ള നടപടിക്കാണ് സ്റ്റേ. റിക്രൂട്ട്മെന്റ് ചട്ടങ്ങള്ക്കനുസൃതമായി മെറിറ്റ്-കം-സീനിയോറിറ്റിയും യോഗ്യതാ പരീക്ഷയില് വിജയിക്കലും അടിസ്ഥാനമാക്കിയാണ് സ്ഥാനക്കയറ്റം നല്കേണ്ടതെന്ന് ബെഞ്ച് ഊന്നിപ്പറഞ്ഞു.ജില്ലാ ജഡ്ജിമാരുടെ സ്ഥാനക്കയറ്റം സംബന്ധിച്ച കേസ് കോടതിയുടെ പരിഗണനയിലിരിക്കെ വിഞ്ജാപനം ഇറക്കിയതിനാണ് നടപടി.
ജസ്റ്റിസുമാരായ എംആര് ഷാ, സിടി രവികുമാര് എന്നിവര് അടങ്ങിയ ബെഞ്ചിന്റെ നടപടി. പട്ടികയില് ഉള്ളവര് പഴയ തസ്തികകളില് തന്നെ തുടരണമെന്ന് ഉത്തരവില് പറയുന്നു. ഹൈക്കോടതിയുടെ ശുപാര്ശയും അതിനെത്തുടര്ന്നുള്ള സര്ക്കാര് വിജ്ഞാപനവും നിയമ വിരുദ്ധമാണെന്ന് ഇടക്കാല ഉത്തരവില് കോടതി വിലയിരുത്തി.
