പുനലൂർ: പുനലൂര്‍ കേച്ചേരി ഫിനാന്‍സ് തട്ടിപ്പിന് ഇരയായ നിക്ഷേപകര്‍ കൊല്ലം കളക്ടറേറ്റിലേക്ക് പ്രതിഷേധ മാര്‍ച്ച് നടത്തി. തുടര്‍ന്ന് നടന്ന ധര്‍ണ്ണ സാമൂഹിക പ്രവർത്തകൻ ആയൂർ ബിജു ഉദ്ഘാടനം ചെയ്തു. സ്ഥാപന ഉടമ വേണുഗോപാലിന്റെ ഭാര്യയെയും മക്കളെയും സഹോദരിയെയും മറ്റ് കൂട്ടുപ്രതികളായ സ്ഥാപനത്തിന്റെ ജീവനക്കാരെയും അറസ്റ്റ് ചെയ്യുക, വേണുഗോപാൽ ഒളിപ്പിച്ചു വെച്ചിരിക്കുന്ന നിക്ഷേപങ്ങൾ കണ്ടുപിടിക്കുക, ബഡ്സ് ആക്ട് പ്രകാരം സ്ഥാപന ഉടമയുടെയും കുടുംബത്തിന്റെയും മുഴുവൻ വസ്തുവകകളും കണ്ടുകെട്ടി ലേലം ചെയ്ത് പണം നിക്ഷേപകർക്ക് വിതരണം ചെയ്യുക, സർക്കാരിൽ നിക്ഷേപമായിട്ടുള്ള ചിട്ടിയുടെ സെക്യൂരിറ്റി തുക ചിട്ടി ഇടപാടുകൾക്ക് വീതിച്ച് നൽകുക, ഇപ്പോൾ നടക്കുന്ന ക്രൈംബ്രാഞ്ച് അന്വേഷണം തൃപ്തികരമല്ലാത്തതിനാൽ കേച്ചേരി നിക്ഷേപ തട്ടിപ്പ് കേസ് സിബിഐ ക്ക് കൈമാറുക, എന്നീ ആവശ്യങ്ങള്‍ ഉന്നയിച്ചുകൊണ്ടായിരുന്നു പ്രതിഷേധ സമരം.
കമുകുംചേരി നിവാസി വേണുഗോപാലിന്റെ സ്ഥാപനമായ കേച്ചേരി എന്റർപ്രൈസസ് പുനലൂർ , കേച്ചേരി ചിറ്റ്‌സ് പ്രൈവറ്റ് ലിമിറ്റഡ് എന്നീ സ്ഥാപനങ്ങളിലായി നാലായിരത്തോളം വരുന്ന നിക്ഷേപകരും ചിട്ടി ഇടപാടുകാരുമാണ് പറ്റിക്കപ്പെട്ടത്. കേസിൽ സ്ഥാപന ഉടമ വേണുഗോപാലിനെ മാത്രം പ്രതിയാക്കി കേസെടുക്കുകയായിരുന്നു. തട്ടിപ്പില്‍ പങ്കുള്ള മറ്റു ചിലരെയും വേണുഗോപാലിന്റെ ബിനാമികളെയും ഒഴിവാക്കികൊണ്ട് നടത്തുന്ന അന്വേഷണം വെറും പ്രഹസനമാണെന്ന് കേച്ചേരി നിക്ഷേപകര്‍ പറഞ്ഞു. പോലീസിന്റെ അന്വേഷണം തട്ടിപ്പിന് ഇരയായ നിക്ഷേപകര്‍ക്ക് അനുകൂലമല്ല. ഈ അന്വേഷണത്തിലൂടെ നിക്ഷേപകര്‍ക്ക് നീതി ലഭിക്കുകയുമില്ല. അതിനാല്‍ സിബിഐ അന്വേഷണം ആവശ്യപ്പെട്ട് മുഖ്യമന്ത്രിയെ സമീപിക്കുമെന്നും ആക്ഷന്‍ കൌണ്‍സില്‍ ഭാരവാഹികള്‍ പറഞ്ഞു. പി.കെ മഞ്ജുലാൽ അധ്യക്ഷത വഹിച്ചു. ആക്ഷന്‍ കൌണ്‍സില്‍ പ്രസിഡന്റ് രാജു തിരുമല, ജയകുമാർ, അഡ്വ. സതീഷ് കുമാർ തുടങ്ങിയവർ പ്രസംഗിച്ചു.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
