പൂഞ്ഞാറിൽ ബിജെപി കാലുവാരിയെന്ന് ബിഡിജെഎസ് സ്ഥാനാർഥി

കോട്ടയം : ഞങ്ങളുടെ വോട്ട് എങ്ങോട്ടു പോയി ? ഈ ചോദ്യം എൻഡിഎ സ്ഥാനാർഥികളുടേതാണ്. വോട്ടെണ്ണൽ കഴിഞ്ഞതോടെ ഈ ചോദ്യം നാട്ടുകാരും ചോദിക്കുന്നു. ബിജെപി നേതൃത്വത്തിനു നേരെയും വിമർശനമുണ്ട്. പൂഞ്ഞാറിലും വൈക്കത്തും ബിജെപി വോട്ടു മറിച്ചെന്നു ബിഡിജെഎസ് നേതൃത്വം ആരോപിക്കുന്നു. ഏറ്റുമാനൂരിൽ ബിഡിജെഎസ് സിപിഎമ്മിന് വോട്ടു മറിച്ചെന്നു ബിജെപിയും ആരോപിക്കുന്നു. 2016 നിയമസഭാ തിരഞ്ഞെടുപ്പിൽ 16.85 ശതമാനം വോട്ടു ലഭിച്ച എൻഡിഎയ്ക്ക് ഇത്തവണ ലഭിച്ചത് 10.01 ശതമാനം വോട്ടാണ്. 6.84 ശതമാനം വോട്ടാണു കുറഞ്ഞത്. സ്ഥാനാർഥികളിൽ പലരും പരാതി നൽകി.