തിരുവനന്തപുരം : റോഡുകളെപ്പറ്റി പരാതി പറയാന് 2019 -ല് പുറത്തിറിക്കിയ മൊബൈല് ആപ്പുമായി പുതിയ പൊതുമരാമത്ത് വകുപ്പ് മന്ത്രി പി.എ.മുഹമ്മദ് റിയാസ്. മൊബൈല് ആപ്പ് സംവിധാനം ജൂണ് ഏഴിന് വരുമെന്നു മുഹമ്മദ് റിയാസ് പറഞ്ഞു.
പൊതുജനങ്ങള്ക്ക് റോഡുകളെപ്പറ്റി പരാതി അറിയിക്കാന് മൊബൈല് ആപ്പ് സംവിധാനം നടപ്പിലാക്കുകയാണെന്ന് കഴിഞ്ഞ ദിവസമാണ് മന്ത്രി അറിയിച്ചത്. റോഡുകളെപ്പറ്റിയുള്ള പരാതി ആപ്പിലൂടെ അറിയിക്കാം. ആപ്പ് വഴി ലഭിക്കുന്ന പരാതികള് എസ്എംഎസ് വഴിയും ഇമെയില് വഴിയും ബന്ധപ്പെട്ട റോഡ്സ് വിഭാഗം എന്ജിനീയര്മാരെ അറിയിക്കും. പരാതി പരിഹരിച്ചശേഷം വിവരം ആപ്പില് അപ്ഡേറ്റ് ചെയ്യും. പരാതി നല്കിയവര്ക്ക് ആപ്പിലൂടെ തന്നെ തുടര്വിവരങ്ങള് അറിയാന് സാധിക്കും. ജൂണ് 7 മുതല് ആപ്പ് ഗൂഗിള് പ്ലേ സ്റ്റോറിലും ആപ്പിള് സ്റ്റോറിലും ലഭ്യമാവുമെന്നും മന്ത്രി പറഞ്ഞിരുന്നു.
ഇതേ ഉദ്ദേശ്യവുമായാണ് കഴിഞ്ഞ പൊതുമരാമത്ത് വകുപ്പ് ആപ്പ് പുറത്തിറക്കിയത്. 2.5 മാത്രമാണ് ആപ്പിന്റെ റേറ്റിങ്. ഫോട്ടോ എടുത്ത് അപ്ലോഡ് ചെയ്യാനോ പരാതി നല്കാനോ കഴിയാതെ ആളുകള് ചീത്തവിളിയുമായി റിവ്യൂബോക്സില് നിറഞ്ഞിട്ടുമുണ്ട്. സൈന് ഇന് ചെയ്യാന്പോലും കഴിയുന്നില്ലെന്നായിരുന്നു പരാതി. ഒരു തവണ പരീക്ഷിച്ച് പരാജയപ്പെട്ട ആപ്പ് പരിപാടി ഇത്തവണ വകുപ്പിനെ മുന്നോട്ടുനയിക്കുമോ അതോ വീണ്ടും ‘ആപ്പി’ലാക്കുമോ എന്നും ചിലര് ചോദിക്കുന്നു.
