ദോഹ : രാജ്യത്തെ ദേശീയ വിമാന കമ്പനിയായ ഖത്തര്‍ എയര്വേയ്സ് സൗദി അറേബ്യയിലേക്ക് കൂടുതല്‍ സര്‍വീസുകള്‍ ആരംഭിക്കുന്നു. സൗദിയുടെ പുതിയ മൂന്ന് നഗരങ്ങളിലേക്ക് കൂടിയാണ് ഖത്തര്‍ എയര്വേയ്സ് സര്‍വീസ് വ്യാപിപ്പിക്കുന്നത്. ആദ്യ സര്‍വീസ് ഈ മാസം അവസാനത്തോടെ ആരംഭിക്കും. സൗദി അറേബ്യയില്‍ ശൃംഖല വികസിപ്പിക്കാനുള്ള പദ്ധതിയുടെ ഭാഗമായാണ് ഖത്തര്‍ എയര്വേയ്സ് പുതിയ സര്‍വീസുകള്‍ പ്രഖ്യാപിച്ചിരിക്കുന്നത്. അല്‍ ഉല, തബൂക്ക് എന്നിവിടങ്ങളിലേക്കാണ് പുതിയ സര്‍വീസ്. യാമ്പുവിലേക്കുള്ള സര്‍വീസ് പുനരാരംഭിക്കാനും തീരുമാനിച്ചിട്ടുണ്ട്. ഇതോടെ സൗദിയിലെ മൂന്ന് പുതിയ നഗരങ്ങളിലേക്ക് കൂടി ഖത്തര്‍ എയര്‍ വേയ്‌സിന്റെ വിമാനങ്ങള്‍ പറക്കും. ഈ മാസം 29ന് അല്‍ ഉലയിലേക്കുള്ള സര്‍വീസിന് തുടക്കം കുറിക്കും. ഡിസംബര്‍ 6ന് യാന്‍ബുവിലേക്കും തുടര്‍ന്ന് 14ന് തബൂക്കിലേക്കും സര്‍വീസ് ആരംഭിക്കും.
അല്‍ ഉലയിലേക്ക് ആഴ്ചയില്‍ രണ്ടും യാമ്പുവിലേയ്ക്കും തബൂക്കിലേക്കും മൂന്ന് വീതവുമാണ് സര്‍വീസ് നടത്തുക. ദമാം, ഗാസിം, ജിദ്ദ, മദീന, റിയാദ്, ത്വായിഫ് എന്നിവിടങ്ങളിലേക്ക് ഖത്തര്‍ എയര്വേയ്സ് ഇപ്പോള്‍ സര്‍വീസ് നടത്തുന്നുണ്ട്. പുതിയ വിമാനങ്ങള്‍ കൂടി എത്തുന്നതോടെ സൗദിയിലെ ഒമ്പത് നഗരങ്ങളിലേക്ക് ഖത്തര്‍ എയര്‍വേയ്‌സിന്റെ സര്‍വീസ് വ്യാപിക്കും. പുതിയ സര്‍വീസുകള്‍ പ്രഖ്യാപിച്ചതിന് പിന്നാലെ ടിക്കറ്റ് ബുക്കിംഗും ആരംഭിച്ചു. ലോകമെമ്പാടുമുള്ള യാത്രക്കാരെ ശ്രദ്ധേയമായ സ്ഥലങ്ങളുമായി ബന്ധിപ്പിക്കാന്‍ കഴിയുന്നതില്‍ അഭിമാനിക്കുന്നുവെന്ന് ഖത്തര്‍ എയര്വേയ്സ് ഗ്രൂപ്പ് ചീഫ് എക്സിക്യൂട്ടീവ് അക്ബര്‍ അല്‍ ബേക്കര്‍ പറഞ്ഞു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
