ദില്ലി : രാഹുൽ ഗാന്ധിക്കെതിരായ ഇഡി നടപടിയിൽ കോൺഗ്രസ് ഇന്ന് എഐസിസി ആസ്ഥാനത്ത് പ്രതിഷേധിക്കും. സംസ്ഥാനത്തെ കോൺഗ്രസ് എംഎൽഎമാരോടും ദില്ലിയിൽ എത്താൻ ഹൈക്കമാൻഡ് നിർദേശം നൽകി. ഇതോടെ കെപിസിസിയുടെ നേതൃത്വത്തില് ജൂണ് 24, 25 തീയതികളില് കോഴിക്കോട് നടത്താനിരുന്ന ചിന്തിന് ശിബിരം മാറ്റിവെച്ചു. ഇക്കാര്യം കെപിസിസി ജനറല് സെക്രട്ടറി റ്റി യു രാധാകൃഷ്ണന് വാർത്താക്കുറിപ്പിൽ അറിയിച്ചു. പുതുക്കിയ തീയതി പിന്നീട് അറിയിക്കുമെന്നും രാധാകൃഷ്ണന് പറഞ്ഞു.
