ന്യൂഡല്ഹി: മന് കി ബാത്തില് ഇന്ത്യയെ കളിപ്പാട്ടങ്ങളുടെ കേന്ദ്രമാക്കി മാറ്റുമെന്ന പ്രധാനമന്ത്രിയുടെ പ്രഖ്യാപനത്തിന് പരിഹാസ ട്വീറ്റുമായി രാഹുല് ഗാന്ധി. ജെഇഇ (JEE) , എന്ഇഇറ്റി (NEET) വിദ്യാര്ത്ഥികള്ക്കിപ്പോള് പരീക്ഷാ ചര്ച്ചയാണ് ആവശ്യമെന്നും രാഹുല് ഗാന്ധി ട്വീറ്ററിലൂടെ പറയുന്നു.
കോവിഡ് കാലത്ത് ജെഇഇ,എന്ഇഇറ്റി പരീക്ഷകള് നടത്തുന്നതില് ലക്ഷക്കണക്കിന് വിദ്യാര്ത്ഥികള് മുന്ഗണന നല്കുന്നത് പരീക്ഷയെക്കുറിച്ചുള്ള ചര്ച്ചയ്ക്കാണ്. അല്ലാതെ കളിപ്പാട്ടത്തെക്കുറിച്ചുള്ള ചര്ച്ചയ്ക്കല്ലെന്നും രാഹുല് ട്വിറ്ററില് കുറിച്ചു.
കോവിഡ് നിയന്ത്രണത്തില് സര്ക്കാരിനുണ്ടായ പരാജയം മറച്ചുവെക്കാന് വിദ്യാര്ത്ഥികളുടെ സുരക്ഷയില് വിട്ടുവീഴ്ച ചെയ്യരുതെന്ന് കഴിഞ്ഞ ദിവസം രാഹുല് പറയുകയുണ്ടായി. സര്ക്കാര് ഇക്കാര്യത്തില് വിദ്യാര്ത്ഥികളുടെ ആവിശ്യങ്ങള് കേള്ക്കുകയും സമവായത്തില് എത്തുകയും വേണമെന്ന് രാഹുല് ആവശ്യപ്പെട്ടു .
JEE-NEET aspirants wanted the PM do ‘Pariksha Pe Charcha’ but the PM did ‘Khilone Pe Charcha’.#Mann_Ki_Nahi_Students_Ki_Baat
— Rahul Gandhi (@RahulGandhi) August 30, 2020
