ന്യൂഡല്ഹി: ഇനിമുതല് റെയില്വെ യാത്രക്കാര്ക്ക് ഓണ്ലൈന് വഴി കൂടുതല് ടിക്കറ്റുകള് ബുക്ക് ചെയ്യാം.
യാത്രക്കാര്ക്ക് കൂടുതല് സൗകര്യമൊരുക്കുന്നതിന്റെ ഭാഗമായാണ് ഇന്ത്യന് റെയില്വെയുടെ പുതിയ തീരുമാനം. പുതിയ ഉത്തരവ് പ്രകാരം ഒരാള്ക്ക് ഒരുമാസം ഓണ്ലൈനായി ബുക്ക് ചെയ്യാവുന്ന ടിക്കറ്റുകളുടെ എണ്ണം 24 ആക്കി. ആധാറുമായി ലിങ്ക് ചെയ്യാത്തവര്ക്ക് ഒരുമാസം പരമാവധി 12 ടിക്കറ്റുകള് വരെ ബുക്ക് ചെയ്യാം. നേരത്തെ ആധാറുമായി ബന്ധിപ്പിച്ചവര്ക്ക് ഒരുമാസം പന്ത്രണ്ടും അല്ലാത്തവര്ക്ക് ആറ് ടിക്കറ്റുകളും ബുക്ക് ചെയ്യാന് മാത്രമെ കഴിയുമായിരിന്നുള്ളു.ഈ പരിധി മാറ്റണമെന്ന യാത്രക്കാരുടെ നിരന്തര ആവശ്യം പരിഗണിച്ചാണ് റെയില്വെയുടെ തീരുമാനം.
