തിരുവനന്തപുരം: സംസ്ഥാനത്ത് മഴ കുറഞ്ഞെങ്കിലും മഴക്കെടുതി രൂക്ഷമായി തുടരുന്നു. ഇന്ന് അഞ്ച് ജില്ലകളില്‍ മാത്രമാണ് മഴമുന്നറിയിപ്പുള്ളത്. മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ യെല്ലോ അലര്‍ട്ടാണ്. കോട്ടയം അയ്മനത്ത് വെള്ളക്കെട്ടില്‍ വീണ് വയോധികന്‍ മരിച്ചു. ദേഹാസ്വാസ്ഥ്യത്തെ തുടര്‍ന്നാണ് അയ്മനം മുട്ടേല്‍ സ്രാമ്പിത്തറ ഭാനു(73) വെള്ളത്തിലേക്ക് വീണത്. കോഴിക്കോട് ചാത്തമംഗലം വെള്ളലശ്ശേരിയില്‍ വീട് തകര്‍ന്ന് രണ്ടുപേര്‍ക്ക് പരുക്കേറ്റു. കണ്ണൂര്‍ പാനൂരില്‍ പുഴയില്‍ കാണാതായ യുവാവിനായി തിരച്ചില്‍ തുടരുകയാണ്. വടകര ഏറാമലയില്‍ ഒഴുക്കില്‍പ്പെട്ട യുവാവിന്റെ മൃതദേഹം കണ്ടെത്തിമീത്തലെപ്പറമ്പത്ത് വിജീഷ് ഒഴുക്കില്‍പ്പെട്ടത് മൂന്നുദിവസം മുന്‍പാണ്.
വലിയമങ്ങാട് ബീച്ചില്‍ തിരയില്‍പെട്ട അനൂപ് സുന്ദരനായി തിരച്ചില്‍ തുടരുന്നു. മൂന്നാര്‍ ഗ്യാപ് റോഡിലേക്ക് പാറയും മണ്ണും ഇടിഞ്ഞുവീണു. ന്യൂ കോളനിയില്‍ രണ്ട് വീടുകള്‍ തകര്‍ന്നു. ഒരു വീട് ഇടിഞ്ഞ് മറ്റൊരു വീടിനുമുകളില്‍ പതിക്കുകയായിരുന്നു. മണ്ണിടിച്ചില്‍ സാധ്യയുള്ളതിനാല്‍ വീട്ടുകാരെ നേരത്തെ മാറ്റിയിരുന്നു. കൊച്ചി–ധനുഷ്കോടി പാതയില്‍ ഗതാഗതം പൂര്‍ണമായി തടസ്സപ്പെട്ടു. വയനാട് ലക്കിടിയില്‍ മരംവീണു. കോഴിക്കോട്–മൈസൂരു പാതയില്‍ ഗതാഗത തടസ്സം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്‍ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള്‍ മലയാളത്തില്‍ ടൈപ്പ് ചെയ്ത് വാര്‍ത്തകള്‍ നല്‍കണം. വാര്‍ത്തകള്‍ നല്‍കുമ്പോള്‍ എല്ലാ നമ്പരുകളിലും മെയിലുകളിലും നല്‍കാതെ ഒരിടത്തുമാത്രം നല്‍കുക. ചീഫ് എഡിറ്ററുമായി ബന്ധപ്പെടുവാന്‍ 94473 66263, 85471 98263, 0468 2333033 എന്നീ നമ്പരുകള്‍ ഉപയോഗിക്കുക.
