തിരുവനന്തപുരം: ഡോ. വന്ദനാ ദാസിന്റെ കൊലപാതകവുമായി ബന്ധപ്പെട്ട് ആരോഗ്യമന്ത്രിക്കെതിരെ രൂക്ഷ വിമര്ശനവുമായി രമേശ് ചെന്നിത്തല. മന്ത്രി മെലോ ഡ്രാമ കളിച്ചിട്ട് കാര്യമില്ല. മരിച്ച കുട്ടിയെ അപമാനിക്കാന് ആണ് മന്ത്രി ശ്രമിച്ചത്. സര്ക്കാരിന്റെ പരാജയമാണ് കണ്ടത്. ആരോഗ്യമന്ത്രിയെ ഓര്ത്ത് തല കുനിച്ച് പോകുകയാണെന്നും ചെന്നിത്തല ആരോപിച്ചു.
ആരോഗ്യവകുപ്പ് മന്ത്രിക്ക് ആരോഗ്യ വകുപ്പില് എന്ത് എക്സ്പീരിയന്സാണുള്ളതെന്നും സ്ഥാനത്ത് ഇരിക്കാന് യോഗ്യതയില്ലാത്ത ആരോഗ്യ വകുപ്പ് മന്ത്രി കേരളത്തിന് അപമാനമാണെന്നും ചെന്നിത്തല പറഞ്ഞു. ഡോ. വന്ദനയുടെ കൊലപാതകത്തിന്റെ ഉത്തരവാദിത്തത്തില് നിന്നും സംസ്ഥാന സര്ക്കാരിന് മാറിനില്ക്കാന് കഴിയില്ല. ആരോഗ്യപ്രവര്ത്തകരുടെ പ്രശ്നങ്ങള് പരിഗണിക്കണമെന്നും ചെന്നിത്തല ആവശ്യപ്പെട്ടു.
