റാന്നി: റാന്നി നിയോജക മണ്ഡലത്തിൽ 10, 12 പരീക്ഷകളിൽ മികച്ച വിജയം കരസ്ഥമാക്കിയ വിദ്യാർത്ഥികൾക്ക് എംഎൽഎയുടെ നേതൃത്വത്തിൽ ഈ മാസം 6 ന് നടത്താനിരുന്ന എക്സലൻസ് അവാർഡ് ചടങ്ങ് മാറ്റി വെച്ചതായി അഡ്വ. പ്രമോദ് നാരായൺ എം എൽ എ അറിയിച്ചു. എക്സലൻസ് അവാർഡിനായി നിയോജക മണ്ഡലത്തിന് പുറത്ത് പഠിച്ചത് ഉൾപ്പെടെയുള്ള നിരവധി കുട്ടികളിൽ നിന്നും അപേക്ഷ ഇപ്പോഴും വന്നുകൊണ്ടിരിക്കുന്ന സാഹചര്യത്തിലാണ് എല്ലാവർക്കും പരിപാടിയിൽ പങ്കെടുക്കാൻ അവസരം ഒരുക്കുക എന്ന ഉദ്ദേശത്തോടെ മാറ്റിവെച്ചത്. പുതിയ തീയതി പിന്നീട് അറിയിക്കും.
റാന്നി നോളജ് വില്ലേജ് പദ്ധതിയുടെ ഭാഗമായി സൈലം ഗ്രൂപ്പുമായി സഹകരിച്ച് നടത്തുന്ന പരിപാടിയിലേക്ക് കൂടുതൽ കുട്ടികളെ ഉൾപ്പെടുത്തുന്നതിനായി
കേരള സിലബസ് എസ്എസ്എൽസി പരീക്ഷയ്ക്ക് 8എ+ വരേയും പ്ലസ് 2 പരീക്ഷക്ക് 4എ+ വരെയും ഉള്ളവർക്കും, സിബിഎസ് സി 10, 12 പരീക്ഷകളിൽ 4 എ + വരെ ഉള്ളവർക്കും എക്സലൻസ് അവാർഡ് നൽകുന്നു.
അർഹരായ വിദ്യാർത്ഥികൾ പേര്, സ്കൂൾ, ഫോട്ടോ, ഫോൺ നമ്പർ സഹിതം
meritrannimla@gmail. com എന്ന വിലാസത്തിൽ ഇമെയിൽ ആയോ
9446491806 എന്ന നമ്പറിൽ വാട്ട്സ്ആപ്പ് ആയോ അയച്ചു നൽകണം.