റാന്നി : താലൂക്ക് എൻഎസ്എസ് കരയോഗ യൂണിയൻ 96 ലക്ഷം രൂപയുടെ ബജറ്റ് അവതരിപ്പിച്ചു. പുതിയ മന്ദിരനിർമാണത്തിന് 24 ലക്ഷം രൂപയും ശ്രീഅയ്യപ്പാ ടൂറിസ്റ്റ് ഹോം നവീകരണത്തിന് 3,50,000 രൂപയും വകയിരുത്തി. ചികിത്സാധനസഹായം, വിവാഹധനസഹായം, സ്കോളർഷിപ്പുകൾ, എൻഡോവ്മെന്റുകൾ, അനുമോദനം എന്നിവയ്ക്കായി മൂന്നുലക്ഷം രൂപ ഉൾപ്പെടുത്തി. ആധ്യാത്മിക പഠനകേന്ദ്രത്തിന് മൂന്നുലക്ഷം രൂപയും, ഹ്യൂമൻ റിസോഴ്സസ് സെന്റർ പ്രവർത്തനത്തിന് ഒരുലക്ഷം രൂപയും വസ്തുസംരക്ഷണത്തിന് അഞ്ചുലക്ഷം രൂപയും ബജറ്റിൽ വക കൊള്ളിച്ചിട്ടുണ്ട്. ബജറ്റ് സമ്മേളനം യൂണിയൻ പ്രസിഡന്റ് അഡ്വ.വി.ആർ. രാധാകൃഷ്ണൻ ഉദ്ഘാടനം ചെയ്തു.
സമുദായ അംഗങ്ങളുടെ പുരോഗതിക്കും ക്ഷേമത്തിനും യോജിച്ച പ്രവർത്തനം ഉണ്ടാകണമെന്ന് പ്രസിഡന്റ് പറഞ്ഞു. യൂണിയൻ സെക്രട്ടറി കെ.എം. മഹേഷ് ബജറ്റ് അവതരിപ്പിച്ചു. യൂണിയൻ വൈസ് പ്രസിഡന്റ് എം.എ. ഗോപാലൻനായർ, പി.എൻ. ശശിധരൻനായർ, ഭദ്രൻ കല്ലയ്ക്കൽ, എം.വി. ഗോപാലകൃഷ്ണൻനായർ, വി.ആർ. അനിൽകുമാർ, സി.കെ. ഹരിശ്ചന്ദ്രൻ, മണിയാർ രാധാകൃഷ്ണൻ, അഡ്വ. ഷൈൻ ജി.കുറുപ്പ്, എം.ജി. ശശിധരൻനായർ, എം.ജി. ബാലചന്ദ്രൻനായർ തുടങ്ങിയവർ പ്രസംഗിച്ചു. പ്രതിനിധി അംഗങ്ങളായ വി.കെ. ഗോപിനാഥപണിക്കർ, പി.എസ്. ആനന്ദാമ്മ, പി.എൻ. ഹരികുമാർ, വി.കെ. രാജഗോപാൽ, എൻ. ബാലകൃഷണപിള്ള, രജീഷ് ജി.നായർ, സി.കെ. ബാലൻ തുടങ്ങിയവർ ചർച്ചയിൽ പങ്കെടുത്തു.
