റാന്നി : ഉന്നത നിലവാരത്തിലുള്ള റോഡ് നിര്മ്മാണം വൈക്കം യുപി സ്കൂളിനെ തെരുവിലിറക്കി. സ്കൂളിന്റെ മുറ്റവും റോഡ് കൈയ്യടക്കി. സംസ്ഥാനപാതയായ പുനലൂര് – മൂവാറ്റുപുഴ റോഡിനോടു വളരെ ചേര്ന്നായി സ്കൂളിന്റെ സ്ഥാനം. സ്കൂളിന്റെ മുറ്റവും കളിക്കളവുമെല്ലാം റോഡ് വികസനം കയ്യേറി. പഴയ പ്രതാപം കുറച്ച് നഷ്ടപ്പെട്ടെങ്കിലും അതിനൊക്കെ പരിഹാരത്തിനായി പിടിഎ,യുടെ ശ്രമം. കൂളിനെ അപ്ഗ്രേഡ് ചെയ്യാനുള്ള നിക്കം നടക്കുന്നതിനിടയിലാണ് ഇത്തരത്തിലൊരു ദുരിതം റാന്നി വൈക്കം യുപി സ്കൂളിനെത്തേടിയെത്തിയത്. സമീപമുള്ള സ്വകാര്യ വ്യക്തികളുടെ സ്ഥലം വാങ്ങിയാല് പ്രശ്നങ്ങള്ക്കെല്ലാം പരിഹാരമാകും.
നിലവില് സ്കൂള് മുറ്റം ഇടനാഴി പോലെ ആയി തീര്ന്നു. ഇനി ഉയര്ത്തി ഭിത്തി കെട്ടണം. കുട്ടികളുടെ സുരക്ഷിതത്വത്തിനു വേണ്ടി ഇപ്പോള് സ്കൂള് ഓഫീസ് പുതിയ കെട്ടിടത്തിലേക്ക് മാറ്റിയിട്ടുണ്ട്. കുട്ടികള്ക്കും അധ്യാപകര്ക്കും ഇറങ്ങി പോകാനുള്ള വഴിയും ഇടുങ്ങി. ജീപ്പോ ഓട്ടോയോ തിരക്കേറിയ റോഡില് നിര്ത്തിയിടാനെ നിവൃത്തിയുള്ളു. വാഹനങ്ങളുടെ ശബ്ദം കുട്ടികള്ക്ക് ശല്യമാകാതിരിക്കാന് സൗണ്ട് പ്രൂഫ് വാള് കെട്ടണമെന്നാവശ്യവും ഉയര്ന്നിട്ടുണ്ട്. റാന്നി ഉപജില്ലയിലെ വിദ്യാര്ഥികള് കൂടുതല് പഠിക്കുന്ന ഗവണ്മെന്റ് സ്കൂളുകളിലൊന്നാണ് വൈക്കം യുപി സ്കൂള്. സ്കൂളിന്റെ പ്രതാപം ഉയര്ത്താന് അധികൃതര് ഇടപെട്ടേ തീരൂ നാട്ടുകാരും പിടിഎയും ആവശ്യപ്പെടുന്നു.