കോട്ടയം: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ യുവാവ് പോലീസ് പിടിയില്‍. ഇടുക്കി കഞ്ഞിക്കുഴി സ്വദേശിയായ പുറന്തോട്ടത്തില്‍ വീട്ടില്‍ സെര്‍ഫിന്‍ വില്‍ഫ്രഡിനെയാണ് (22) പോലീസ് പിടികൂടിയത്.കടുത്തുരുത്തി പോലീസ് ആണ് അറസ്റ്റ് ചെയ്തത്.പ്രണയം നടിച്ച്‌ ഒന്നരവര്‍ഷക്കാലമായി പീഡിപ്പിക്കുകയായിരുന്നുവെന്ന പരാതിയിലാണ് അറസ്റ്റ്. പോക്സോ നിയമപ്രകാരം ആണ് യുവാവിനെതിരെ കേസെടുത്തിരിക്കുന്നത്. പെണ്‍കുട്ടിയുടെ നഗ്ന വീഡിയോകളും ഫോട്ടോകളും കൈക്കലാക്കിയതിനുശേഷം സമൂഹ മാധ്യമങ്ങളില്‍ പ്രചരിപ്പിക്കുമെന്ന് പറഞ്ഞു ഭീഷണിപ്പെടുത്തിയായിരുന്നു പീഡനം. പെണ്‍കുട്ടി കടുത്തുരുത്തി പോലീസ് സ്റ്റേഷനില്‍ പരാതി നല്‍കിയതിനെ തുടര്‍ന്ന് പ്രതി ഒളിവില്‍ പോകുകയായിരുന്നു.
ജില്ലാ പോലീസ് മേധാവിയുടെ നേതൃത്വത്തില്‍ അന്വേഷണ സംഘം രൂപവത്കരിക്കുകയും പ്രതിയെ പിടികൂടുകയുമായിരുന്നു. വൈക്കം ഡിവൈ.എസ്.പി എ.ജെ. തോമസ്, കടുത്തുരുത്തി എസ്.എച്ച്‌.ഒ സജീവ് ചെറിയാന്‍, എസ്.ഐ വിപിന്‍ ചന്ദ്രന്‍, എ.എസ്.ഐ റോജിമോന്‍, സി.പി.ഒമാരായ പ്രശാന്ത്, സുനില്‍കുമാര്‍, സജയന്‍, റിജോ വര്‍ഗീസ്, എന്നിവരും അന്വേഷണസംഘത്തില്‍ ഉണ്ടായിരുന്നു. പ്രതിയെ കോടതിയില്‍ ഹാജരാക്കിയ ശേഷം റിമാന്‍ഡ് ചെയ്തു.
